М.Мақатаев және көркем аударма
2016 жылы 3 ақпанда «TARZHIMAN CLUB» жас аудармашылар клубының ұйымдастыруымен «Жүз кітап» жобасы аясында «М.Мақатаев және көркем аударма» атты поэтикалық аударма кеші өткізді. Мұқағали ақынның өз дауысымен басталған кеш оның шығармашылығына арналған слайд-шоумен жалғасты. Болашақ аудармашылар М.Мақатаев аударған У.Шекспир сонетінің аудармасын талдады, ақынның жыл мезгілдеріне арналған өлеңдері оқып, «Бүгін менің туған күнім» музыкалық қойылым қойды. Кеш қонағы – ақынның қызы, ҚазҰУ-дың ұстазы Шолпан Мұқағалиқызы, сондай-ақ профессор Ә.С.Тарақов өз естеліктерімен бөлісті. Клуб жетекшісі, доцент Л.Мұсалы Мұқағали өлеңдерін өзге тілдерге аударудың маңызын атап өтті
Кешке шетел филологиясы және аударма ісі кафедрасының меңгерушісі Д.Қарағойшиева, Э.Бектурова, М.Жаңабекова, А.Айтмухамбетовалар қатысты.
Басқа жаңалықтар
