Ғасырдан ғасырға жыры жеткен ақиық ақын

(Ақын М.Мақатаевтың туғанына 85 жыл)

Шетел филологиясы және аударма ісі кафедрасы оқытушыларының ұйымдастыруымен «ҚазҰУ студенті оқуы тиіс 100 кітап» жобасы аясында ақиық ақын Мұқағали Мақатаевтың 85 жылдық мерейтойы құрметіне арналған «Есіңе мені алғайсың...» атты әдеби-сазды кеш өтті.

Кешті кафедра оқытушысы «Көкжиек» клубының жетекшісі, ф.ғ.к., доцент Мусалы Л.Ж. ашты, ал кеш бағдарламасын «Шетел филологиясы» мамандығының студенттері Бигелдиева Нышанкуль қазақ, орыс тілдерінде жүргізсе, ал Аулетова Адина ағылшын және француз тілдерінде жүргізді. 3-курс студенттері Айбек Сандуғаш, Бағланова Талшын ақынның «Отан», «Елім барда» өлеңдерін қазақ тілінде, 1-курс студенті Аружан Бектасова «Юность» өлеңін орыс тілінде, Нұрлыбай Балнұр «Kazakh land» және 1-курс магистранттары Дана Ақашева «Three happy things» ағылшын тілінде, ал «Ғашықпын» өлеңін «In love» төл аудармасымен Бибіназ Алманова оқыды.

Әсем Сайлау мен Марал Қалиева дайындаған викториналық сұрақтар мен слайд арқылы көрсетілген ақпараттық мәліметтер ақынның жеке өмір парақтары мен жыр баспалдақтарында жеткен жетістіктерін қамтыды. XXI ғасырдың жастары «Ғасыр ақыны» атанған Мұқағали Мақатаевтың осындай тамаша рухани қазыналарының куәсі болып қала бермек!

Шетел филологиясы және аударма ісі кафедрасының

оқытушылары Магүлсім Жаңабекова , Адилия Алимбаева