Ислам Революциясы күніне орай көрмеci

2016 ж. 10 ақпан күні сағат 09.00.-18.00 аралығында шығыстану факультеті оқу корпусының бірінші қабатында «Айналаңды нұрландыр» жобасы бойынша Ислам Революциясы күніне орай Таяу Шығыс және Оңтүстік Азия кафедрасының ирантану бөлімі мен Иран Ислам Республикасы елшілігінің Мәдени Өкілдігімен бірігіп студенттер мен оқытушыларға Иран Ислам Республикасының мәдениеті туралы ақпарат беріп, мәдени-рухани диалогты жүзеге асыру мақсатында көрме өткізді.

Иран Ислам Республикасы елшілігінің Мәдени Өкілдігі және ирантану бөлімінің оқытушылары мен студенттері Шығыстану факультеті оқу корпусының бірінші қабатына көрме экспонаттарын орналастырды.

Иран Ислам Республикасы елшілігінің Мәдени Өкілдігі басшысы М.Камрани көрмені ресми түрде ашып, тұсауын кесті.

Шығыстану факультеті мен әл-Фараби атындағы ҚазҰУ, Алматы қаласындағы парсы тілін оқытатын ЖОО студенттері, оқытушылары көрме жұмысымен танысты. Иран мәдениеті туралы ақпараттар алады, пікірлермен бөліседі.

Көрмені ұйымдастырушыларға, Иран Ислам Республикасы елшілігінің Мәдени Өкілдігіне алғыс білдірілді.