Физика-техникалық факультетінің түлектері мен оқытушылары ҚазҰУ-дың «Түлектер парадында» кездесті. ТДМ 4

2025 жылғы 30 мамырда әл-Фараби атындағы Қазақ ұлттық университетінде жыл сайынғы дәстүрлі «Түлектер парады» өтті. Бұл — әр жылдары университетті бітірген түлектер, оқытушылар мен студенттер бас қосатын мерекелік шара.

Физика-техникалық факультеттің 5, 10, 15, 20, 25, 30, 40, 50 және 55 жыл бұрынғы мерейтойлық түлектері мен 2025 жылғы бітіруші түлектер салтанатты кездесуге қатысты. Сонымен қатар факультет оқытушылары, профессорлық-оқытушылық құрамның ардагерлері мен жас мамандар да шараға атсалысты.

Кездесу барысында түлектер өздерінің ұстаздарына алғыс білдіріп, алған білімдерінің кәсіби және өмірлік жолындағы маңызын ерекше атап өтті.

Физика-техникалық факультет халықаралық ғылыми жобаларға белсене қатысып, БҰҰ-ның Тұрақты даму мақсаттарына (ТДМ) қол жеткізуге өз үлесін қосып келеді. Атап айтқанда:

• ТДМ 4 – Сапалы білім: факультет жас ғалымдар мен инженерлерді даярлауға арналған заманауи білім беру бағдарламаларын жүзеге асырып отыр.

Бұл мерекелік шара түлектер мен университет арасындағы байланысты нығайтты. Көптеген түлектер жас мамандарды жұмысқа тартуға, ғылыми жобаларға бірлесіп қатысуға және серіктестік орнатуға дайын екендерін білдірді.

Физика-техникалық факультет – еліміздің технологиялық дамуында маңызды рөл атқаратын, өткеннің даңқы мен болашақтың әлеуетін біріктірген бірегей ұжым.