Білім саласындағы әлеуметтік әріптестік
Әлеуметтік әріптестік жоғары білім беру саласында маңызды рөл атқарып, студенттерге сапалы білім беру мен кәсіби дағдыларды дамытуға ықпал етеді. Әрі бұл Тұрақты даму мақсаттарының 4-ші бағытына да сай келеді. Осы орайда, Әл-Фараби атындағы Қазақ ұлттық университеті мен
І.Жансүгіров атындағы Жетісу университетінің өзара әрекеттестігі ерекше маңызға ие. ҚазҰУ-дың Кеден, қаржы және экологиялық құқық кафедрасының профессорлық-оқытушылық құрамы мен І.Жансүгіров атындағы Жетісу университетінде онлайн түрде 2-курс студенттеріне арнап «Кәсіпкерлік құқық» пәні бойынша дәрістер өткізілуде.
Ішкі академиялық ұтқырлық бағдарламасы аясында жүзеге асқан бұл бастама студенттерге кәсіпкерлік құқық саласындағы білімін кеңейтіп тереңдетуге мүмкіндік береді. Сонымен қатар бағдарлама Қазақстандағы кәсіпкерлік субъектілерінің құқықтық реттелуін, кәсіпкерлікті дамыту мен қоғам үшін қолайлы жағдай жасау мақсатында кәсіпкерлік бастамаларды ынталандыруға бағытталған. Бұл өз кезегінде студенттердің кәсіби тұрғыдан дамуына әсер етіп, оларды еңбек нарығында бәсекеге қабілетті етіп даярлауға септігін тигізеді.
Ішкі академиялық ұтқырлық бағдарламасы екі университет арасындағы академиялық ынтымақтастықты нығайтып, елімізде білім беру сапасын арттыруға бағытталған маңызды қадам. Әл-Фараби атындағы ҚазҰУ мен І.Жансүгіров атындағы Жетісу университеті арасындағы қарым-қатынастар білім саласындағы әлеуметтік әріптестіктің тиімді үлгісі ретінде көрінеді.
Әлеуметтік әріптестік пен білім беру сапасын арттыру мақсатындағы мұндай бағдарламалар еліміздің білім беру жүйесіне жаңа серпін беріп, жастарды жоғары білікті маман ретінде даярлауға ықпал етеді. Тұтастай алғанда бұл іс-шаралар Қазақстанның экономикалық және әлеуметтік дамуында кәсіпкерліктің маңыздылығын арттыруға бағытталған ерекше бастама.
Гүлдана ҚУАНАЛИЕВА,
Кеден, қаржы және экологиялық құқық
кафедрасының меңгерушісі, з.ғ.д., профессор
Басқа жаңалықтар
