«8D05104 – Генетика» білім беру бағдарламасы бойынша философия докторы (PhD) дәрежесін алу үшін докторант Мынбаева Дана Омарқызының диссертациялық жұмысының алдын ала қорғауы өтті

2025 жылғы 25 маусымда молекулалық биология және генетика кафедрасында «8D05104 – Генетика» білім беру бағдарламасы бойынша PhD философия докторы дәрежесіне үміткер докторант Мынбаева Дана Омарқызының диссертациясының алдын ала қорғауы өтті. Жұмыстың тақырыбы: «Маркерлік селекция әдісі арқылы пирикуляриозға төзімді гендері бар күріштің бастапқы селекциялық ресурстарын жасау».

Диссертациялық жұмыста күріштің өнімділігін айтарлықтай төмендететін Magnaporthe oryzae саңырауқұлағы туғызатын пирикуляриоз ауруына төзімділігі мәселесі қарастырылады. Зерттеу отандық және шетелдік күріш сұрыптарын төзімділік гендерінің болуына скрининг жүргізуге, маркерлік селекция әдісі арқылы жаңа будандық линиялар жасауға және олардың жұқпалы тәлімбақтағы төзімділігін бағалауға бағытталған.

Зерттеудің ғылыми жаңалығы — Қазақстанда алғаш рет жоғары өнімді отандық сорттар негізінде пирикуляриозға төзімді күріш сорттарын жасау үшін маркерлік селекция әдісінің қолданылуы.

Жұмыстың практикалық маңыздылығы — жергілікті селекциялық бағдарламаларды жетілдіру және ауруға төзімді жаңа күріш сорттарын жасау арқылы елімізде күріш шаруашылығының тұрақты дамуына үлес қосу. Зерттеу БҰҰ Тұрақты даму мақсаттарымен, атап айтқанда, ТДМ 2 «Аштықты жою» және ТДМ 15 «Құрлықтағы экожүйелерді сақтау» мақсаттарымен тығыз байланысты.

Зерттеу Қазақстан Республикасы Ғылым және жоғары білім министрлігінің жобасы аясында ҚР Ұлттық ғылым академиясының Биология және өсімдік биотехнологиясы институтында орындалды.

Молекулалық биология және генетика кафедрасы Мынбаева Дана Омарқызын сәтті алдын ала қорғауымен құттықтай отырып, диссертацияны қорғауда сәттілік тілейді!

Молекулалық биология және генетика кафедрасы