ҚазҰУ-да ICESCO семинары басталды

Әл-Фараби атындағы Қазақ ұлттық университетінде спутниктерді модельдеу бойынша IV халықаралық оқу семинары мен аэроғарыштық симпозиум өз жұмысын бастады.

Іс-шара Білім, ғылым және мәдениет мәселелері жөніндегі Ислам ынтымақтастығы ұйымы – ICESCO-мен бірлесіп ұйымдастырылды.

Семинар жұмысына шетелдік сарапшылар, Ислам ынтымақтастығы ұйымына мүше елдердің жас ғалымдары мен мамандары, сондай-ақ ҚазҰУ-дың оқытушылары мен студенттері қатысты.

Семинардың ашылуында ICESCO-ның ғылым және технология жөніндегі кеңесшісі, доктор Мұхаммад Шариф сөз сөйлеп, шараның маңыздылығын атап өтті және қатысушылардың жұмысына табыс тіледі.

ICESCO  –  мұсылман елдерінде білім, ғылым, мәдениет және коммуникация салаларын дамытатын мамандандырылған ұйым.

Ұйымның мақсаты  – мүше елдер арасындағы ынтымақтастықты нығайту және исламның гуманитарлық құндылықтарын ілгерілету.

Семинар 12 қыркүйекке дейін жалғасады.

Әл-Фараби атындағы ҚазҰУ-дың Баспасөз қызметі