Орталық Азиядағы Тұрақты даму мақсаттары бойынша халықаралық форум: әл-Фараби атындағы ҚазҰУ-дың қатысуы

2025 жылғы 19 қыркүйекте Алматы қаласында «Жаһандық өзгермелі тәртіптегі Орталық Азияның Тұрақты даму мақсаттары» атты халықаралық форум өтті. Бұл іс-шара Орталық Азиядағы Тұрақты даму мақсаттарын (ТДМ) жүзеге асыруға арналды.

Форумды Қазақстан-Неміс университеті (DKU) Қазақстан Республикасы Президенті жанындағы Ұлттық ғылым академиясымен және Рур аймағы университеттері альянсымен бірлесе ұйымдастырды. Іс-шараға аймақтың және Еуропаның жетекші ғылыми және саяси институттары қатысты. Олардың қатарында Климаттың әсерін зерттеу институты (PIK), Геологиялық ғылымдар орталығы (GFZ), Халықаралық тұрақты даму институты (IISD), Qazaq Green және басқа ұйымдар бар.

Форум жұмысына мемлекеттік органдардың өкілдері, халықаралық ұйымдардың басшылары мен ғалымдары қатысты. Атап айтқанда, Қазақстан Республикасының Ұлттық ғылым академиясының президенті, профессор, доктор Ахылбек Құрішбаев, ҚР Ғылым және жоғары білім министрі Саясат Нұрбек (онлайн), ҚР Экология және табиғи ресурстар министрлігінің өкілдері, Германия Федеративтік Республикасының Бас консулы Маттиас Кислер, сондай-ақ Германияның жетекші университеттері мен ғылыми ұйымдарының өкілдері сөз сөйледі.

Әл-Фараби атындағы Қазақ ұлттық университеті атынан форумға Ғылым және инновациялық қызмет департаментінің директоры Тастамбек Қуаныш Талғатұлы, География және табиғатты пайдалану факультетінің деканы Ақтымбаева Алия Сағындыққызы, Тұрақты даму жөніндегі ЮНЕСКО кафедрасының меңгерушісі Базарбаева Тұрсынкүл Аманкелдіқызы, сондай-ақ профессор-оқытушылар құрамы, докторанттар, магистранттар мен студенттер қатысты.

Форум Орталық Азияның тұрақты болашағы жолында ғылыми әлеует пен басқарушылық тәжірибені біріктіруге бағытталған маңызды қадам болды.