Қытайтану кафедрасының жас ғалымдары Қытайдың жаһандық қатысуы жөніндегі дәріске қатысты

Ағымдағы жылдың 23 қыркүйегінде қытайтану кафедрасының магистранттары, докторанттары мен жас ғалымдары Нью-Йорк университетінің (Шанхай) доценті Мария Адель Караи оқыған «Global China’s Reach: New Methods to Understand China’s Expanding Presence» атты дәріске қатысты.

Іс-шара Сорос-Қазақстан қоры қолдауымен құрылған CAPS Unlock (Central Asian Policy Studies) кеңсесінде өтті. Бір сағат ішінде қатысушылар «Жаһандық Қытай» тұжырымдамасын зерттеудің жаңа тәсілдерімен танысып, Қытайдың әлемдегі кеңейіп келе жатқан қатысуының ауқымы, бағыттары мен күрделілігі жөнінде ой бөлісті.

Дәріс тыңдаушылар арасында үлкен қызығушылық туғызып, Қытайдың қазіргі даму үрдістері мен оның халықаралық үдерістерге ықпалы туралы идеялар мен ғылыми көзқарастар алмасудың алаңына айналды.