2016 жылдың 23 ақпаны күні шығыстану факультеті мен Академик Шахмардан Есенов атындағы Ғылым-білім Қорының ұйымдастыруымен " Kazakh-Chinese Center of Cooperation" Silk Road" компаниясының директоры Тілектес Адамбековпен кездесу болды. Бұл іс-шараға негізінен факультетімізде қытай тілін оқып жатқан студенттер қызығушылық білдірді. Кездесу залында ине шаншар орын қалмады.
Тілектес Адамбеков «Болашақ» бағдарламасымен ҚХР 8 жыл оқыған. Қытайдағы оқуы кезінде «Қытайда оқып жатқан Қазақстан студенттерінің ассоциацисын» құрған. Бүгінгі таңда Қытайдың ірі қалаларының бәрінде өкілдігі бар бұл ассоциацианың құрамында 15 мыңға жуық студент тіркелген. Қытайдың "Eastern medical research and development company" компаниясында халықаралық бизнесті дамыту департаментінің директоры қызметін атқарған. Қазір ол " Kazakh-Chinese Center of Cooperation" Silk Road" компаниясын ашып, Қазақстан мен ҚХР арасындағы экономикалық серіктестіктің дамуына өз үлесіп қосып жүрген азамат.
Тілектес бүгінгі таңдағы Қытайдың оқу-ағарту жүйесі туралы, әлемдік мықты университеттердің қатарына кіретін ҚХР бір қатар университеттерінің жағыдайы туралы, Қытайға оқуға грантқа ие болу, бітірген түлектердің жұмысқа тұру мәселесін қалай шешуі керек деген сияқты мәселелердің бәріне өз тәжірбиесінен мысалдар келтіре отырып әңгімелеп берді.
Басқа жаңалықтар
