"Дінтанушылар кубогы" атты футзал бойынша турнир өз мәресіне жетті

«Тәні саудың жаны сау» жобасының аясында, ҚазҰУ стадионының спорт кешенінде дене тәрбиесі және спорт кафедрасының көмегімен әл-Фараби атындағы Қазақ Ұлттық Университетінің 1,2 және 3-курс студенттері арасында футзал бойынша жарыс өтті.

Ұйымдастырылған шара бұқаралық спортты дамытуға, саламатты өмір салтын қалыптастырып, жастар арасында достық қарым-қатынасты арттыру, университеттің құрама командасын іріктеуге мақсатталған.

Турнирге жалпы 8 команда қатысты. Футбол сайысы қызықты әрі құмарта өтіп, барлық командалар жеңіске деген құштарлығын танытты. Жеңіске "Әлеуметтік жұмыс" мамандығының 2-курс студенттерінің командасы жетті, 2-орынды "Дінтану" мамандығының командасы иеленді, ал 3-орынға "Cаясаттану" командасы ие болды. Барлық женімпаздарға бағалы сыйлықтар мен грамоталар берілді.

"Дінтану" мамандығының 2-курс студенттері жарысқа қатысқан барлық командаларға өз алғысын білдіреді.

Ұйымдастырушылар: Мейрбаев Бекжан Берикбайұлы, Абжалов Сұлтанмурат Өтешұлы, Каңтарбаева Жанна Орынбасарқызы, Философия және саясаттану факультеттің «Дінтану» мамандығының 2-курс студенттері.