Университетте қаржылық сауаттылық бойынша семинар-кездесу өтті

Университетімізде студенттердің қатысуымен Алматы қаласы бойынша Экономикалық тергеп-тексеру департаментінің аса маңызды істер жөніндегі жедел уәкілдерімен “Қаржылық сауаттылық және қаржылық қауіпсіздіктің негіздері” тақырыбында семинар-кездесу өтті.

Іс-шара барысында мамандар қаржылық мәдениетті қалыптастыру, алаяқтықтың алдын алу және жеке қаржы қауіпсіздігін қамтамасыз ету мәселелеріне тоқталды.

Студенттер өздерін қызықтырған сұрақтарын қойып, мамандардан жан-жақты әрі пайдалы жауаптар алды.

Кездесу жастардың қаржылық сауаттылығын арттыруға және экономикалық қауіпсіздік туралы түсініктерін кеңейтуге бағытталды.

                                                                                                                                          Жалпы және бейорганикалық химия 

                                                                                                                                          кафедрасының доценті Ниязбаева А.И.