Әл-Фараби атындағы Қазақ ұлттық университеті Басқарма Төрағасының орынбасары – бірінші проректор Еркін Дүйсенов Қытай электрондық ғылым және технологиялар университеті ректорының орынбасары Ло Гуанчуньмен кездесті.
Жүздесуде тараптар серіктестікті арттыру, ортақ ғылыми жобаларды іске асыру бағытындағы жұмыстарды жандандыру мәселесін талқылады. Сондай-ақ инновациялық технологиялар мен цифрлық трансформация саласындағы тәжірибе алмасу мүмкіндіктері де қарастырылды.
Еркін Дүйсенов құрметті қонаққа оқу ордасының қызметі мен жетістіктерін таныстырды. Өз сөзінде проректор ҚазҰУ-дың Қытай ЖОО-ларымен ынтымақтастығы күн санап дамып келе жатқанын айтты.
Өз кезегінде Ло Гуанчунь Электрондық ғылым және технологиялар университеті ҚазҰУ-мен академиялық ұтқырлық бағдарламасы шеңберінде ғалымдар алмасуға, қос ЖОО базасындағы зертханалардың әлеуетін пайдалануға ниетті екенін жеткізді.
Әл-Фараби атындағы ҚазҰУ-дың Баспасөз қызметі
Басқа жаңалықтар
