Мен Халықаралық құқық кафедрасында жұмыс істеймін. Күн сайын ұжымымды көріп, бір қуанып қаламын. Себебі мен біраз жылдардан бері білімді, мейірімді, адал ұжыммен қызметтес болып келемін. Біздің, яғни әл-Фарабиатындағы Қазақ Ұлттық университеті халықаралық қатынастар факультеті заман талаптарына сай мамандар дайындап, қазақ халықаралық құқық ғылымын дамытуда орасан зор қызмет атқаруда. Оның құрамында профессорлар мен докторлар, кандидаттар мен Ph.D докторлары да бар. Бакалаврлар, магистрлер мен Ph.D докторларын дайындайтын кафедра ұжымы ғылыми-зерттеу жұмыстарын, оқулықтар мен монографиялар, оқу-әдістемелік құралдар шығарып, ғылыми жобаларға қатысып, өз біліктіліктерін Қазақстан Республикасы мен одан тыс елдерде ұдайы арттыруда. Көптеген шетелдік жоғары оқу орнымен тығыз қарым-қатынас орнатып, тәжірибе алмасуда. Кафедра оқытушылары бұрын Қазақстанда оқытылмаған жаңа оқу пәндерін дайындап, оқу үрдісіне енгізді. Олардың ішінде «Еуропалық құқық», «ТМД құқығы», «Халықаралық жария құқық теориясының негіздері» (С.Ж.Айдарбаев), «Халықаралық жеке құқық теориясының негіздері», «Халықаралық азаматтық процесс» (Г.Б.Іспаева), және т.б. атап өтуге болады. Біз Кәрімжан Шәкіров, Сағынғали Айдарбаев секілді ағаларымызды мақтан тұтамыз. Және бұл кісілерден үйренеріміз көп. Халықаралық құқық бөлімінде студенттер білім ала отырып, ТМД елдері мен алыс шет елдерде мойындалатын толыққанды жоғары білімге, екіншіден, ұлттық және халықаралық заңнамаларда еркін бағдар алуға, үшіншіден, шет тілін меңгеруге, төртіншіден, сот және заң саласында іс жүргізу жұмыстарын білуге, сонымен қатар, мамандықты аяқтағаннан кейін ғылыми жұмыспен айналысуға және т.б. мүмкіндіктер алады. Олардың бойында заңгердің де, дипломаттың да қасиеттері ұштасады. Бүгінгі таңда халықаралық құқық кафедрасы еліміздің және шетелдің жоғарғы оқу орындарымен, халықаралық ұйымдар, ассоциациялар және комитеттермен тығыз байланыста болып, біліктіліктерін арттыруда. Және шәкірттерін тәжірибелермен қатар жұмыс орындарымен де қамтып отыр. Бұл біз үшін үлкен қуаныш. Жайлау Жанат, Халықаралық қатынастар факультетінің халықаралық құқық кафедрасының доценті, Алматы қаласы.
Автор: Жайлау Жанат
Дата публикации: 03.03.2016 00:00
Басқа жаңалықтар
