«Көрнекті заңгер Сұлтан Сартайұлы Сартаев атындағы аудиторияның ашылуы»
Бүгін Мемлекет және құқық теориясы мен тарихы, конституциялық және әкімшілік құқық кафедрасында айрықша тарихи оқиға өтті — атақты ғалым, заң ғылымдарының докторы, профессор, Қазақстан Республикасы Ұлттық ғылым академиясының академигі Сартаев Сұлтан Сартайұлының есімі берілген аудиторияның салтанатты ашылуы өтті!
Бұл — отандық заң ғылымының дамуына өлшеусіз үлес қосқан, елдің құқықтық жүйесін қалыптастыруда ерекше із қалдырған тұлғаның еңбегіне деген зор құрмет пен шынайы тағзым.
⚖️ Сұлтан Сартайұлы Сартаев — қазақ құқықтану ғылымының негізін қалаушылардың бірі, еліміздегі құқықтық реформалардың бастауында тұрған көрнекті ғалым, ұлт зиялысы. Ол өзінің бай өмірлік тәжірибесі мен ғылыми еңбектері арқылы Қазақстан заң ғылымының жаңа дәуірін қалыптастырды.
📖 Сартаев Сұлтан Сартайұлының еңбектері мен идеялары — қазіргі және болашақ заңгерлер үшін сарқылмас рухани қазына, әділет пен парасаттың үлгісі.
💬 Ашылу рәсіміне қатысқан әріптестер мен шәкірттер ғалымның ғылым мен білімге сіңірген еңбегін зор құрметпен еске алып, оның тұлғалық биік болмысы мен ғылыми мұрасының мәңгілік екенін атап өтті.
Бұл аудитория енді тек дәріс өтетін орын ғана емес — қазақ заң ғылымының тарихын жаңғыртып, жаңа буын заңгерлерге шабыт сыйлайтын рухани кеңістікке айналды.
🕊️ Академик Сартаев Сұлтан Сартайұлының есімі ұрпақ жадында мәңгі сақталып, оның еңбегі мен өнегесі болашақ заңгерлердің жүрегінде өмір сүре бермек.
