Аягөз ауданының физика және математика пәндері бойынша олимпиадасы

2025 жылғы 17 қазанда әл-Фараби атындағы Қазақ ұлттық университеті мен «Оспанкүл Меңаяқұлы атындағы орта мектеп» КММ арасындағы ынтымақтастық туралы меморандум аясында Аягөз ауданының мектеп оқушылары арасында физика және математика пәндерінен дәстүрлі олимпиада өтті. Олимпиада техника және жылуфизика кафедрасының доценті Ж. Өмірбековтың құрметіне арналды.

Бұл олимпиада әл-Фараби атындағы ҚазҰУ-дың жылуфизика және техникалық физика кафедрасының қолдауымен бірнеше жыл қатарынан өткізіліп келеді. Іс-шараны ұйымдастыруға кафедра оқытушылары Манатбаев Р.К. және Исатаев М.С. белсене қатысты.

Олимпиадаға Аягөз ауданының 22 мектебінен 9-сыныптан – 19, 10-сыныптан – 12, 11-сыныптан – 15 оқушы қатысты. Жеңімпаздар марапат қағаздарымен, медальдармен және ақшалай сыйлықтармен марапатталды.

Іс-шара жоғары деңгейде ұйымдастырылып, университет пен аймақ мектептері арасындағы табысты серіктестіктің тағы бір дәлелі болды. Олимпиада оқушылардың жаратылыстану ғылымдарына қызығушылығын арттырып, БҰҰ-ның Тұрақты даму мақсаттарының 4-мақсаты «Сапалы білім беру» және 17-мақсаты «Тұрақты дамудағы әріптестік» бағыттарын жүзеге асыруға өз үлесін қосады.