Экология мен салауатты өмір салтын ұштастырды

Қазақ ұлттық универ­си­тетінің филология факультетінде Түркітану және тіл теориясы кафедрасының ұйымдастыруымен «Түркітану» маманды­ғы­ның 1-курс студенттері арасында ерекше мазмұнды іс-шара – Эко-спорт күні өтті. 

Іс-шараның негізгі мақсаты – студенттердің спортқа деген қызығушылығын арттырумен қатар, экологиялық мәдениетін қалыптастыру, қоршаған ор­та­ны қорғаудың маңызын дәріп­теу. Қазіргі қоғамда экология мәселесі күн тәртібінен түспей тұрғаны белгілі. Сондықтан бұл шара білім ордасындағы жас­тардың салауатты өмір сал­­тын табиғатты аялау мә­де­ниетімен үйлестірген маңызды қа­дам бол­ды.

Эко-спорт күні бағдарла­ма­сы мазмұнға бай әрі қызықты өтті. Студенттер табиғат ая­сын­да велошеру ұйымдас­ты­рып, таза ауада сергіді. Жүгіру марафоны олардың төзімділігін сынап, спорттық жігерін арт­тыр­ды. Сонымен қатар ашық алаң­дағы жаттығулар жас­тар­дың денсаулығын нығайтуға бағытталды. Ал ерекше мәнге ие болған «Zero Plastic Day» акциясы бір күн бойы пластик заттарды қолданбауға ша­қы­рып, экологиялық жауап­кер­ші­ліктің нақты үлгісін көрсетті.

Шара барысында студент­тер тек спортпен шектелмей, ұйым­шылдық пен ынтымақ­тас­тық танытты. Бір-біріне қолдау біл­діріп, ортақ мақсат жолында біріге әрекет етті. Бұл жас буын­­ның ұжымдық рухын арт­тырып, достық қарым-қаты­нас­тарын нығайта түскен сәт­тер­дің бірі болды.

Студенттердің көңіл күй­лері көтеріңкі, белсенділіктері жо­ғары болды. Олар табиғат аясында сергіп қана қоймай, экологиялық ойлау мәде­ние­тіне бойлап, табиғатты қор­ғау­дың әр адам үшін жеке жауап­кершілік екенін ұғынды.

Факультет пен кафедра ұжы­­­мы студенттердің осындай бас­тамаларға белсенді ара­ла­суын әрдайым қолдап келеді. Мұндай іс-шаралар жастардың денсаулығын нығайтып қана қоймай, экологиялық сананы тәрбиелеудің тиімді құралы.

Эко-спорт күні тек бір күн­дік мереке емес, студенттер үшін өмірлік тәжірибе, бола­шақ­та табиғатты қорғау бағы­тын­дағы жаңа жобаларға сер­­пін беретін бастама бол­ды. Уни­вер­ситет қабыр­ға­сы­нан бас­­талған осын­дай игі қадам­дар жас буын­ды эко­ло­гиялық мә­дениеті жоғары, жауап­ты азамат етіп қалып­тастыруға ық­пал етеді.

Эко-спорт күні спорт пен эко­логияны тоғыстырған ерек­ше жоба ретінде есте қалды. Жас түркітанушылардың бел­сен­ділігі олардың алдағы уа­қыт­та да қоғамның дамуына, та­биғатты қорғау ісіне өз үлес­терін қосатынына сенім ұя­ла­тады. Бұл бастама болашақ ұр­пақ үшін жасалған жарқын үлгі болды.

Қанат ӘШІРҚҰЛОВ,

Түркітану және тіл теориясы кафедрасының

аға эдвайзері