Оңтүстік-Шығыс Азия университеттерімен байланыс

Білім ордасының рейтингі мен ғылыми әлеуетіне оң әсер ететін негізгі критерийлердің бірі – оқу процесіне шетелдік ғылыми-педагогикалық кадрлар мен мамандарды тарту. Осыған орай, Әл-Фараби атындағы Қазақ ұлттық университетінің ректоры, профессор Жансейіт Түймебаев әлемнің жетекші университеттері, соның ішінде Оңтүстік-Шығыс Азия елдерінің жоғары оқу орындарымен халықаралық ынтымақтастықты белсенді түрде кеңейтуде. Осындай серіктестердің бірі – Малайзияның ең көне және беделді жоғары оқу орындарының қатарындағы Малайя университеті (University of Malaya). Малайя университеті әлемнің үздік 100 университетінің қатарына тұрақты түрде еніп, беделді QS World University Rankings рейтингінде 58-орынды иеленеді. Университет жо­ға­ры деңгейлі оқыту сапасы және ғылыми-зерттеу қызметіндегі жетіс­тік­терімен кеңінен танымал.

Университетке шетелдік оқытушы­лар мен зерттеушілерді тарту – шет­ел­дік студенттерді қабылдауға қа­ра­ған­да анағұрлым күрделі процесс. Бұл ретте университеттің шетелдік про­фессорларға ашықтығының дең­гейі, бағдарламаны іске асыруға ке­тетін қаржы шығындары, академиялық ынтымақтастықтың саяси-геогра­фия­лық басымдықтары және басқа да көптеген факторлар ескеріледі. Айта ке­ту керек, әлемнің жетекші униве­р­ситеттері халықаралық оқытушы-про­фессорлық құрамымен ерекшеленеді және шетелдік оқытушылардың үлесі беделді QS World University Rankings рейтингінде ескерілетін маңызды көр­сеткіштердің бірі.

Әл-Фараби атындағы ҚазҰУ мен Малайя университетінің заң фа­куль­тет­тері декандары – профессор Уә­лихан Ахатов пен профессор Джейсон Чуа онлайн форматта видеокон­фе­рен­ция арқылы кездесу өткізді. Кез­десу барысында тараптар ғылыми-зерт­теу және педагогикалық қыз­меттің нақты бағыттары бойынша екі­жақты ын­ты­мақ­тастықтың даму пер­спек­ти­ва­ла­рын талқылады. Келі­сім­дер аясында Әл-Фараби атындағы ҚазҰУ-дың Аза­маттық құқық және азаматтық іс жүргізу, еңбек құқығы кафе­дра­сы­ның меңгерушісі, қауымдастырылған про­фессор Талғат Балашовтың бас­та­ма­сымен Малайя университеті заң фа­куль­тетінің қауымдас­ты­рыл­ған про­фессоры, PhD докторы Мо­хам­мад Эршадул Карим 2-курс ма­гистранттарына дәріс оқуға және кеңес беруге шақырылды. Сабақтар бекітілген кестеге сәйкес, апта сайын өткізіледі. Сонымен қатар кафедраның ұсынысы бойынша доктор Карим 1-курс PhD докторантының ғылыми кеңесшісі болуға, «ҚазҰУ Хабаршысы. Заң сериясы» ғылыми журналының редакциялық алқасына мүше болуға және ғылыми жобаға қатысуға келісті.

Доктор Мохаммад Эршадул Карим – Азиядағы құқық және технологиялар саласындағы жетекші ғалым және сарапшы. Ол нанотехнологиялар бо­йын­ша PhD дәрежесіне ие және Bright Spark бағдарламасының стипе­н­диан­ты. «Жасанды интеллект», «Ақпа­рат­тық және коммуникациялық техноло­гия­лар», «Нанотехнологиялардың құ­қық­тық және нормативтік ас­пек­тілері», «Жаңа технологиялар және құқық», «Жеке өмірді қорғау және деректерді қорғау заңнамасы» және басқа да бағыттарда көптеген еңбектердің авторы. Доктор М.Э.Каримнің ғылыми және педагогикалық тәжірибесі 25 жыл­ды құрайды, ол әлемнің 58 уни­вер­ситетінде дәріс оқыған. Оның 28 ғы­лыми мақаласы SCOPUS база­сын­да, 25 мақаласы Web of Science ба­за­сында индекстелген. Сонымен қатар ол 6 монографияның авторы және 10 кітаптың қосалқы авторы.

Қорытындылай келе айтарымыз, қа­зіргі таңда заң факультетінде шет­елдік ғалымдарды оқу және ғылыми қыз­метке тарту деңгейінің тұрақты өсімі байқалады. Бұл үрдіс универ­си­теттің академиялық беделін, сондай-ақ білім беру бағдарламалары мен ғы­лыми зерттеулердің сапасын ай­қын­дайтын негізгі факторлардың бірі. Университет басшылығының жоғары білікті шетелдік мамандарды тарту жө­ніндегі шаралары жоғары оқу ор­ны­нан кейінгі білім беру жүйесін да­мыту және оның бәсекеге қабілеттілігін арт­тыру бағытындағы маңызды қа­дам.

Архат ӘБИКЕНОВ,

заң ғылымының кандидаты,

доцент