Жалпыуниверситеттік сенбілік

Әл-Фараби атындағы ҚазҰУ-де өткен жалпыуниверситеттік сенбілікке физика-техникалық факультетінің жылуфизика және техникалық физика кафедрасының студенттері белсене қатысты. Шараны факультеттің аға кураторы-эдвайзері Зульбухарова Эльмира Мұқанқызы ұйымдастырды.

Сенбілік барысында студенттер университет аумағын қоқыстан тазартып, абаттандыру жұмыстарына атсалысты. Іс-шараның мазмұны ЦУР 11 — «Тұрақты қалалар мен қауымдастықтар» және ЦУР 13 — «Климаттың өзгеруіне қарсы іс-қимыл» мақсаттарымен үйлеседі.

Студенттердің жоғары белсенділігі мен экологиялық жауапкершілігі университет қауымдастығында тұрақты даму мәдениетін нығайтуға ықпал етті.