Сауалнама нәтижелерін талқылау

 

ОҚЫТУШЫЛАР ҚЫЗМЕТІН БАҒАЛАУ

Кафедралар бойынша сапалық статистика

«Оқытушы студенттер көзімен» 2025 ж., 1 семестр (27.11.2025–01.12.2025)

 

2025 жылғы желтоқсан айында 2025-2026 оқу жылының 1 семестрі бойынша студенттердің сауалнама нәтижелерін талқылау өтті. Талдау барысында 7 негізгі критерий бойынша алынған деректер қарастырылды. Нәтижелерге сәйкес, кафедра бойынша орташа балл 6.7 құрады, ал жекелеген көрсеткіштер 6.5–6.9 аралығында болды. Бұл студенттердің оқыту сапасына, курс мазмұнына және оқытушылардың кәсіби деңгейіне жоғары баға бергенін көрсетеді.

Сонымен қатар кейбір критерийлер бойынша (әсіресе пәннің күрделілігі мен оқу жүктемесіне қатысты) салыстырмалы түрде төмен көрсеткіштер байқалды (шамамен 5.0–5.5), бұл бағыттарда жетілдіру қажеттігін көрсетті.

 

Сауалнама нәтижелерін ескере отырып, Ақпараттық жүйелер кафедрасы келесі шешімдерді қабылдады:

·      Оқытушылар арасында өзара сабаққа қатысу саны арттырылды;

·      Ашық сабақтар мен тәжірибе алмасу сабақтарының саны көбейтілді;

·      Оқу материалдарының сапасын арттыру және түсіндіру әдістемесін жетілдіру бойынша жұмыстар күшейтілді;

·      Студенттердің оқу жүктемесін оңтайландыру және пәндердің күрделілік деңгейін теңестіру бойынша шаралар қабылданды;

·      Заманауи цифрлық технологиялар мен интерактивті оқыту әдістерін қолдану кеңейтілді.

 

Жалпы алғанда, студенттердің кері байланысы кафедраның білім беру сапасын арттыруға бағытталған нақты шешімдер қабылдауына мүмкіндік берді және оқу үдерісін одан әрі жетілдіруге негіз болды.