Әлеуметтік зерттеулер және әлеуметтік инжиниринг орталығы

Әлеуметтанулық зерттеулер және әлеуметтік инжиниринг орталығы (ӘЗжӘИО) әл-Фараби атындағы Қазақ ұлттық университетінің Ғылыми Кеңесінің шешімі бойынша құрылды және 2010 жылдың 24 желтоқсанынан бастап философия және саясаттану факультетінің әлеуметтану және әлеуметтік жұмыс кафедрасының базасында жұмыс атқаруда.

Әбдірайымова Гулмира Серікқызы

+7(727) 23773333 (1761)

ӘЗжӘИО орталығы жүзеге асыратын зерттеулер кешенді және көп қырлы сипатқа ие және әлеуметтік даму мен қоғамдық пікірдің жай-күйі мен динамикасы туралы ақпарат алуға, талдауға және таратуға бағытталған.

Орталық заманауи білім беру мәселелерін зерделеуге және университеттің білім беру, әлеуметтік және ғылыми-зерттеу қызметін әлеуметтанулық сүйемелдеуге маманданған жетекші қазақстандық зерттеу институты болып табылады.

Орталық жетекшісі – әлеуметтану ғылымдарының докторы, профессор Әбдірайымова Г.С.

Орталық қызметінің мақсаты қазіргі қазақстандық қоғамның жай-күйі мен даму динамикасын зерделеуде пәнаралық, көп аспектілі және контекстік тәсілдерді пайдалана отырып, әлеуметтану ғылымдарының басым бағыттары бойынша іргелі және қолданбалы зерттеулер жүргізу болып табылады.

Орталық қызметінің міндеттері:

қазіргі қазақстандық қоғамды дамытудың өзекті мәселелері бойынша әлеуметтанулық зерттеулерді ұйымдастыру және жүргізу;
университеттің білім беру қызметтерінің сапасына тұрақты мониторингті ұйымдастыру, жүргізу және ғылыми-әдістемелік қамтамасыз ету және университетте білім беру бағдарламаларын саралау, сапа менеджменті, аккредиттеу саласында жүргізілетін қызметті әлеуметтанулық сүйемелдеу;
университеттің түрлі құрылымдық бөлімшелерінің сыбайлас жемқорлық тәуекелдерін бағалау және сыбайлас жемқорлықты қабылдау индексі арқылы университеттің сыбайлас жемқорлыққа қарсы саясатын іске асыру;
гуманитарлық және әлеуметтік ғылымдар саласындағы жетекші шетелдік және отандық ғылыми - зерттеу ұйымдарымен байланыс орнату және ынтымақтастықты дамыту;
Қазақстанда әлеуметтанулық зерттеулерді дамыту перспективаларын болжау және кәсіби дағдыларды қалыптастыру үшін оқу үрдісі мен тәжірибе базасын ғылыми-әдістемелік қамтамасыз етуді жетілдіру;
әл - Фараби атындағы ҚазҰУ университеті ішінде және басқа да аймақтық орталықтар мен институттармен кәсіби және пәнаралық байланыстарды дамыту;
гранттық, мемлекеттік - нысаналы, жеке - бастамашылық және демеушілік бағдарламаларға және т. б. конкурстарға қатысу.

ОРТАЛЫҚ ДИРЕКТОРЫ – Әбдірайымова Гулмира Серікқызы – әлеуметтану ғылымдарының докторы, профессор, әл – Фараби атындағы ҚазҰУ - ның әлеуметтану және әлеуметтік жұмыс кафедрасының меңгерушісі, ғылыми редактор, «Қазақ тіліндегі 100 жаңа оқулық» жобасы аясында G. Ritzer, J. stepnisky Sociological Theory кітаптарын аудару жобасының үйлестірушісі. 250 - ден аса ғылыми жарияланымдар, соның ішінде әлеуметтану бойынша оқулық (бірлескен авторлықта), 8 монография, 12 оқу құралы, 11 әдістемелік нұсқаулық, 2 электронды оқу құралы және әлеуметтанудың қазіргі заманғы мәселелеріне арналған Thomson Reuters/Scopus ДБ индекстелген, рецензияланатын журналдардағы ғылыми жарияланымдардың авторы.

Орталықтың зерттеу ұжымына жоғары білікті, ғылыми - зерттеу және профессорлық - оқытушылық қызметте мол тәжірибесі бар мамандар, сондай - ақ философия және саясаттану факультетінің жас докторант - ғалымдары мен магистранттары кіреді.

Веревкин Алексей Валентинович – орталықтың жетекші ғылыми қызметкері, әлеуметтану ғылымдарының кандидаты, әлеуметтану және әлеуметтік жұмыс кафедарасының аға оқытушысы. 100 - ден астам ғылыми жарияланымдардың, соның ішінде монографиялар мен оқу құралдарының авторы.

Лифанова Татьяна Анатольевна – орталықтың жетекші ғылыми қызметкері, философия ғылымдарының кандидаты, философия кафедрасының аға оқытушысы. 150 - ден астам ғылыми жарияланымдардың, соның ішінде монографиялар мен оқу құралдарының авторы.