«Жібек жолы» үйірмесінде қызықты дәріс оқылды

Қытайтану кафедрасындағы «Жібек жолы» үйірмесінің жылдық жоспарына сәйкес өткізілетін танымдық іс-шаралар 27 қараша күні  Кафедра менгерушісінің оқу-әдістемелік және тәрбие жұмысы жөніндегі орынбасары Керімбаев Ержанның «Жұмсақ күш феномені» атты дәрісімен басталды.
Өзінің ғылыми-зерттеу бағытынан алынған бұл тақырыпта лектор бүгінгі күні әлемдік аренада күннен күнге бәсі артып келе жатқан «жұмсақ күш» феномені туралы жан-жақты қызықты ақпараттармен бөлісті. Оның маңызы мен мәніне, шығу қайнарына, ерекшелігіне, даму сатыларына және бүгінгі күні сол күшті өзінің саясатында қолданып отырған мемлекеттерге тоқталып өтті. Соңғы кезде әлем назарын өзіне аударып отырған қазақтың да жұмсақ күш потенциалы біршама сөз болды. Дәріс тыңдаушылардың зор қызығушылығы мен ықыласын тудырды.