Қиыр Шығыс кафедрасында Корейтану апталығы аясында шешендік өнер байқауы өтті

27 қараша әл-Фараби атындағы Қазақ ұлттық университетінің Шығыстану факультеті, Қиыр Шығыс кафедрасы, Корейтану бөлімінде 1–3 курс студенттері арасында шешендік өнер сайысы (말하기 대회) ұйымдастырылды.

Іс-шараның мақсаты — студенттердің корей тіліндегі ауызша сөйлеу мәдениетін дамыту, көпшілік алдында сөз сөйлеу дағдыларын жетілдіру, сондай-ақ кәсіби және шығармашылық қабілеттерін қолдау болды.

Сайыс барысында қатысушылар өздері таңдаған тақырыптар бойынша мазмұнды және жүйелі баяндамалар ұсынды. Қазылар алқасы сөйлесу құрылымын, тілдік сауаттылықты, сөйлеу мәнері мен дауыс ырғағын, сондай-ақ қатысушылардың жалпы сахналық дайындығын бағалады.

Іс-шара корейтану мамандығында оқитын студенттердің тілдік құзыреттерін арттыруға және практикалық тәжірибе жинақтауға мүмкіндік берді.

Сайыс қорытындысы бойынша жеңімпаздар мен белсенді қатысушылар марапатталып, оларға естелік сыйлықтар табысталды.

Сайлаукенова Әйгерім Ерланқызы 
Қиыр Шығыс кафедрасының аға оқытушысы