ВШЭБ-тің «Бизнес-технологиялар» кафедрасының студенттері ҚР Банктер қауымдастығы конкурсының финалына қатысты

2025 жылғы 13 қарашада Астана қаласындағы Назарбаев Университетінде Қазақстан Республикасы Банктер қауымдастығы ұйымдастырған конкурстың финалдық кезеңі өтті. Бұл іс-шара жасанды интеллект, киберқауіпсіздік, финтех-әзірлемелер және қаржы саласына арналған цифрлық шешімдер бойынша студенттік жобалардың жыл сайынғы байқауы болып табылады.

Жоғары экономика және бизнес мектебін университетішілік іріктеу кезеңінің жеңімпаздары – 6B11301 «Логистика (салалар бойынша)» мамандығының 4-курс студенттері Александр Раев пен Элина Ахиева таныстырды. Олар PhD, аға оқытушы Наздана Джемс-Уатовна Адилованың ғылыми жетекшілігімен әзірленген «FinVest AI» жобасын қорғады.

Конкурс қорытындысы бойынша студенттер Қазақстан Республикасы Банктер қауымдастығының қолдауымен Қазақстан қор биржасында (KASE) екі айлық ақылы тағылымдамадан өту сертификатын иеленді. Қазылар алқасы жобаның маңыздылығы мен болашағын атап өтіп, оның цифрлық қаржы сервистерін дамытуға және халықтың қаржылық сауаттылығын арттыруға қосатын үлесін жоғары бағалады.

Іс-шара Тұрақты даму мақсаты 4 – «Сапалы білім» (4.4 және 4.7 тармақтары – цифрлық құзыреттер мен қаржылық сауаттылық) мақсаттарына қол жеткізуге ықпал етеді. Бұл мақсат цифрлық дағдыларды дамытуға, қаржылық сауаттылықты арттыруға және болашақ экономикада сұранысқа ие құзыреттерді қалыптастыруға бағытталған.

Студенттеріміздің республикалық конкурстың финалына қатысуы – білім беру үдерісіне цифрлық шешімдерді енгізудің өзектілігін және болашақ мамандардың жоғары дайындық деңгейін дәлелдейтін маңызды оқиға болды.