Шығыстану факультетінде «Абай күні»

2025 жылдың 28 қарашасында шығыстану факультетінде «Тұрақты даму мақсаттарын» іске асыру аясында Таяу Шығыс және Оңтүстік Азия кафедрасының ұйымдастыруымен қазақтың ұлы ақыны, философы, ойшылы, композиторы, аудармашы және ағартушы Абай Құнанбайұлының туғанына 180 жыл толуына орай «Шығыс таныған Абай» атты музыкалық-әдеби кеш өтті.
Кештің құрметті қонақтары: Иран Ислам Республикасының Қазақстандағы Бас консулы Ахмади Сона ханым, Үндістан Республикасының Қазақстандағы Бас консулының орынбасары Дипеш Шарма мырза, сондай-ақ Иран Мәдени орталығының директоры Ағазаде Хоссейн мырза, үнді кәсіпкерлер одағының президенті Бенуша Сайбу, Пәкістан Бизнес форумының президенті Сайед Сарфараз Хуссейн жиналғандарды Абай күнімен құттықтап, оның әлемдік рухани және мәдени мұрадағы зор рөлін атап өтті.
Абай ғылыми-зерттеу институтының директорының орынбасары, филология ғылымдарының докторы, профессор Мусалы Лейла Жұматайқызы баяндама жасап, ұлы Абай мұрасының жас ұрпақты білім мен тәрбиелеудегі маңызы туралы айтып, жас шығыстанушыларға кәсіби қалыптасу жолында табыс тіледі.
Студенттер Абайдың өлеңдері мен «Қара сөздерінен» үзінділерді хинди, урду, парсы және араб тілдерінде оқып, оның кеңінен танымал музыкалық шығармаларын студенттерден құрылған ұлт аспаптар ансамблінің сүйемелдеуімен орындады. 
Кеш қонақтары студенттердің өнеріне ерекше әсерленіп, олардың тілдік, әдеби және музыкалық дайындықтарын жоғары бағалады.