Пәкістан университеттерімен серіктестіктің жаңа кезеңі

Шығыстану факультетінде Пәкістан парламенті Сенатының мүшесі, сенатор Зарка Сухарварди Таймур ханыммен ресми кездесу өтті.

Сенатор ханым урду бөлімінің студенттерімен жүздесіп, олардың оқу үдерісімен және ғылыми бастамаларымен танысты. Сонымен қатар, ол Мұхаммад Али Джинна орталығының қызметімен жақыннан хабардар болды. Кездесу барысында Шығыстану факультеті деканының оқу ісі жөніндегі орынбасары Ш.Е. Канафьева урду бөлімі бойынша академиялық және ғылыми ынтымақтастықты кеңейту, мәдени байланыстарды нығайту және бірлескен зерттеу жобаларын жүзеге асыру мәселелерін талқылады.

Қазіргі таңда ҚазҰУ Пәкістанның жетекші жоғары оқу орындары – NUМL, Пенджаб университеті, Кайди Азам университеті және COMSATS институтымен тұрақты әрі нәтижелі серіктестік орнатқан.

Кездесу соңында тараптар гуманитарлық саладағы байланыстарды одан әрі тереңдетуге және жаңа бірлескен бастамаларды дамытуға ниетті екендерін білдірді.

Урду тілі бөлімінің меңгерушісі – Жарбосынова Н.Д.