ҚазҰУ Физика-техникалық факультетінің Ғылыми кеңесі факультет ұжымының мерейтой иелерін құттықтады. ТДМ 4 және ТДМ 17

Әл-Фараби атындағы Қазақ ұлттық университеті физика-техникалық факультетінің Ғылыми кеңесінің кезекті отырысында ғылым мен білімнің дамуына, жас зерттеушілерді даярлауға елеулі үлес қосқан профессор-оқытушылар құрамының мерейтой иелерін ұлықтауға арналған салтанатты рәсім өтті.

Факультет ұсынған мәліметтерге сәйкес, биыл мерейтойын атап өткен ұстаздар:

• Саутбеков Сеил Сейтенұлы — физика-математика ғылымдарының докторы, плазма физикасы, нанотехнологиялар және компьютерлік физика кафедрасының профессоры;

• Буркова Наталья Александровна — физика-математика ғылымдарының докторы, теориялық және ядролық физика кафедрасының профессоры.

Сонымен қатар арнайы атап өтілді:

• Максимова Суюмбика Якубовна — физика-математика ғылымдарының кандидаты, қатты дене физикасы және жаңа материалдар технологиясы кафедрасының доценті, ҚазҰУ-дағы көпжылдық педагогикалық қызметімен танылған ұстаз.

Ғылыми кеңес мүшелері мерейтой иелеріне көпжылдық еңбегі, кәсіби біліктілігі және университетке деген адалдығы үшін шынайы алғыстарын білдірді. Сондай-ақ олардың еңбегі ТДМ 4 – «Сапалы білім» және ТДМ 17 – «Тұрақты дамуға қол жеткізу жолындағы серіктестік» мақсаттарының жүзеге асуына елеулі үлес қосатынын атап өтті. Бұл жетістіктер факультеттің ғылыми-педагогикалық дәстүрлерін нығайтып, академиялық қауымдастықтың дамуына ықпал етеді.