Кадир Хас университетінің (Түркия) коммуникация факультетінің деканы, профессор Козак Метинмен кафедра оқытушыларының кездесуі және көшбасшылық дәрісі

2025 жылдың 18 желтоқсан күні Рекреациялық география және туризм кафедрасының оқытушылары профессор Метин Козактың қатысуымен кездесу өткізді. Іс-шара аясында профессор халықаралық рецензияланған журналдарда ғылыми мақалаларды дайындау және жариялау мәселелеріне арналған мазмұнды лекция өткізді. Арнайы назар ғылыми мақаланың құрылымына, зерттеу нәтижелерін баяндаудың логикасына, академиялық жазу стилінің талаптарына, сондай-ақ зерттеу тақырыбы мен әдістемесіне байланысты релевантты журналдарды таңдау стратегияларына аударылды.

Лекция барысында заманауи ғылыми-зерттеу әдістері, эмпирикалық деректермен жұмыс ерекшеліктері, сондай-ақ халықаралық журналдардың редакцияларымен және рецензенттерімен өзара әрекеттесу негізгі кезеңдері талқыланды. Сондай-ақ, БҰҰ-ның Тұрақты даму мақсаттары (ТДМ) тақырыбын рекреациялық география және туризм саласындағы ғылыми-зерттеулерге интеграциялау маңыздылығы атап өтілді, әсіресе тұрақты туризм, табиғи ресурстарды тиімді пайдалану, экожүйелерді қорғау, территориялардың әлеуметтік-экономикалық дамуы және жергілікті халықтың өмір сүру сапасын арттыру мәселелері бойынша. Зерттеулерді ТДМ бағытында жүргізу олардың ғылыми және практикалық мәнін арттырады, сондай-ақ халықаралық ғылыми басылымдарда сұранысын жоғарылатады.

Лекциядан кейін кафедра оқытушыларымен кәсіби пікірталас өтті. Қатысушылар ғылыми және педагогикалық тәжірибе алмасты, рекреациялық география және туризм саласындағы зерттеудің өзекті бағыттарын ТДМ ескере отырып талқылады, сондай-ақ халықаралық академиялық ынтымақтастықты дамыту және бірлескен ғылыми жобаларға қатысу мүмкіндіктерін қарастырды.