М. Елеуовтың 70 жылдық мерейтойына арналған халықаралық ғылыми-тәжірибелік конференциясы өтеді

Құрметті әріптестер!

Сіздерді әл-Фараби атындағы Қазақ Ұлттық университетінің археология, этнология және музеология кафедрасының профессоры, тарих ғылымдарының докторы М. Елеуовтың 70 жылдық мерейтойына арналған «ҚАЗАҚСТАННЫҢ ТАРИХИ-МӘДЕНИ МҰРАЛАРЫНЫҢ ӨЗЕКТІ МӘСЕЛЕЛЕРІ: ӨТКЕНІ, БҮГІНІ МЕН БОЛАШАҒЫ» атты тақырыппен өтетін халықаралық ғылыми-тәжірибелік конференциясына қатысуға шақырамыз.

Конференция 2016 жылы мамыр айының 6-7 күндері Алматы қаласында, әл-Фараби атындағы Қазақ Ұлттық университетінде өтеді.

Конференция барысында төмендегі бағыттар бойынша талқылау жұмыстарын жүргізу жоспарланып отыр:

•          ежелгі дәуір археологиясы;
•          орта ғасыр археологиясы;
•          Ұлы Жібек жолы және Қазақстанның ортағасырлық керуен жолдары;
•          этнология мәселелері;
•          музей және ескерткіштерді қорғау;
•          Қазақстан археологиясы мен этнологиясының терминология мәселелері.

Конференция – қазақ, орыс, ағылшын тілдерінде өтеді.

Ұйымдастыру алқасының мекен жайы: Қазақстан Республикасы, Алматы қаласы, әл-Фараби даңғылы, 71. Әл-Фараби атындағы ҚазҰУ, ГУК-3, 4-2 кабинет.

Өткізілетін іс-шараға байланысты туындайтын сұрақтар мен ұсыныс-тілектеріңізді төмендегі мағлұматтар арқылы хабарласып білдіре аласыздар:

Құрметпен, Ұйымдастыру алқасы