Алматы қаласы әкімдігі мен қоғамдық бірлестіктер өкілдерінің қатысуымен кездесу өтті

Тұрақты даму мақсаттарын ілгерілету аясында Алматы қаласы әкімдігі мен қоғамдық бірлестіктер өкілдерінің қатысуымен кездесу өтті. Кездесуде мегаполистегі өзекті экологиялық мәселелер мен оларды мемлекет, ғылым және азаматтық қоғам арасындағы әріптестік арқылы шешу жолдары талқыланды.  

Қатысушылар қаланың экологиялық саясатын жетілдіру, қалдықтарды басқару, көгалдандыру, халықтың экологиялық сауатын арттыру және жастардың экологиялық бастамаларға белсенді қатысу мәселелерін көтерді.

Кәсіпорындардың әлеуметтік жауапкершілігі мен студенттердің қатысуымен бірлескен жобаларды жүзеге асыруға ерекше назар аударылды.