Өнімділікті бақылауда дрондарды пайдалану, егістік алқаптарының цифрлық карталары, өнімділікті болжауға арналған ЖИ-аналитика. ТДМ 9 – Индустрияландыру, инновациялар және инфрақұрылым

3–5 желтоқсан аралығында картография және геоинформатика кафедрасының базасында ауыл шаруашылығында заманауи цифрлық технологияларды қолдануға арналған ғылыми-практикалық іс-шара өтті. Іс-шара барысында өнімділікті мониторингтеуде дрондарды пайдалану, егістік алқаптарының цифрлық карталарын құру және өнімділікті болжауға арналған жасанды интеллект аналитикасын қолдану мәселелері қарастырылды.

Аталған іс-шара БҰҰ-ның Тұрақты даму мақсаттарының № 9 — «Индустрия, инновациялар және инфрақұрылым» мақсатына сәйкес келеді, себебі агроөнеркәсіптік кешенде цифрлық инфрақұрылымды дамыту, инновациялық технологиялар мен интеллектуалдық жүйелерді енгізу арқылы саланы жаңғыртуға ықпал етеді.

Іс-шараны картография және геоинформатика кафедрасының профессоры, биология ғылымдарының докторы Әліпбеки О.Ә. жүргізіп, геоақпараттық технологиялар, қашықтан зондтау және жасанды интеллектті аграрлық салаға енгізудің заманауи тәсілдерін ұсынды.

Іс-шара барысында ұшқышсыз ұшу аппараттарын пайдалану арқылы ауыл шаруашылығы дақылдарының жағдайын жедел бағалау, егістік алқаптарындағы кеңістіктік біркелкі еместікті анықтау және өнімділікке әсер ететін факторларды талдау мүмкіндіктері көрсетілді. Дәл егіншіліктің негізгі элементі болып табылатын цифрлық егістік карталарына ерекше назар аударылды.

Сонымен қатар, спутниктік және дрондық деректерді, климаттық көрсеткіштер мен агротехникалық параметрлерді қамтитын үлкен деректерді өңдеуге негізделген өнімділікті болжау әдістері талқыланды. Жасанды интеллект алгоритмдерін қолдану болжамдардың дәлдігін арттырып, ауыл шаруашылығы өндірісін жоспарлаудың тиімділігін жоғарылатуға мүмкіндік береді.

Іс-шараның мақсаты – ауыл шаруашылығының тиімділігін арттыруға бағытталған цифрлық құралдарды таныстыру.