Д.А. Қонаев атындағы колледж студенттеріне арналған төтенше жағдайларға дайындықты арттыру бойынша тренинг

Талғар қаласында ЮНЕСКО тұрақты даму орталығымен бірлесіп, әл-Фараби атындағы Қазақ ұлттық университетінің профессорлық-оқытушылық құрамы қатысуымен Д.А. Қонаев атындағы колледж студенттеріне арналған оқыту тренингі өткізілді. Іс-шара төтенше жағдайлар кезінде қауіпсіз мінез-құлық қалыптастыруға және әрекет ету дағдыларын дамытуға бағытталды.

Тренингке 50-ден астам студент қатысып, Қазақстан аумағына тән табиғи және техногендік сипаттағы төтенше жағдайлардың ең кең таралған түрлері, сондай-ақ жеке және ұжымдық қауіпсіздіктің негізгі қағидаттары туралы жүйелі мәлімет алды.

Тренингтің мазмұнды бөлігін гидрология, қауіптерді басқару және орнықты даму саласындағы сарапшылар ұсынды. Әл-Фараби атындағы ҚазҰУ-дың г.ғ.к., доцент-зерттеушісі Мусина Айнур Каировна Қазақстан Республикасындағы төтенше жағдайлардың негізгі түрлерін, олардың пайда болу тетіктері мен ықтимал салдарын, сондай-ақ заңнама, инженерлік инфрақұрылым және азаматтық қорғау жүйесі деңгейіндегі әрекет ету және алдын алу шараларын жан-жақты баяндады. Білім беру ұйымдары мен жастардың қауіпсіздік мәдениетін қалыптастырудағы және қоғамның қауіптерге осалдығын төмендетудегі рөліне ерекше назар аударылды.

Өткізілген тренинг студенттердің қауіпсіздік саласындағы заманауи қауіп-қатерлер туралы хабардарлығын арттыруға, төтенше жағдайларға ден қоюдың практикалық дағдыларын дамытуға және халықаралық ұйымдар, университеттік қауымдастық пен өңірдің білім беру мекемелері арасындағы өзара іс-қимылды нығайтуға ықпал етті. Іс-шара ТДМ 4 «Сапалы білім», ТДМ 11 «Тұрақты қалалар мен елді мекендер» және ТДМ 13 «Климаттың өзгеруіне қарсы күрес» мақсаттарын іске асыруға өз үлесін қосты.