Агробиостанция мен әл-Фараби атындағы ҚазҰУ-дың биотехнология кафедрасы жергілікті фермерлерге арналған көкөністер мен жемістерді экологиялық таза әдістермен өсіру бойынша шағын семинар өткізді

2025 жылғы 23 қазанда әл-Фараби атындағы ҚазҰУ аумағында отандық өндірушілерді қолдау және экологиялық таза ауыл шаруашылығы өнімдерін кеңінен насихаттау мақсатында ұйымдастырылған күзгі ауыл шаруашылығы жәрмеңкесі өтті. Жәрмеңкеде өңір фермерлері университеттің Қапшағай су қоймасына жақын орналасқан агробиостанциясының егістік алқаптары мен жылыжайларында өсірілген жеміс-көкөніс өнімдерін ұсынды. Жәрмеңке ассортиментіне жаңа өнім – картоп, сәбіз, қырыққабат, асқабақ, қызанақ, болгар бұрышы, баклажан, алма, сондай-ақ бал, дәнді дақылдар мен өңделген өнімдер кірді. Университеттің студенттері, оқытушылары мен қызметкерлері сапалы өнімдерді өндірушілерден тікелей сатып алу мүмкіндігіне ие болды.

БҰҰ-ның Тұрақты даму мақсаттарының 2-мақсаты – аштықты жою, азық-түлік қауіпсіздігін қамтамасыз ету, тамақтануды жақсарту және ауыл шаруашылығының тұрақты дамуына жәрдемдесу аясында, сондай-ақ ауыл шаруашылығы өндірісінің экологиялық тұрақтылығын арттыру және заманауи агротехнологияларды енгізу мақсатында жәрмеңке шеңберінде фермерлер мен ауыл шаруашылығы өнімдерін жеткізушілерге арналған «Өсімдіктерді қорғау әдістері: зиянкестермен күресте биопрепараттарды қолдану» тақырыбында шағын семинар өткізілді.

Іс-шара барысында қатысушылар ауыл шаруашылығы дақылдарының негізгі зиянкестерімен, өсімдіктерді қорғаудың заманауи тәсілдерімен және биологиялық препараттарды қолданудың артықшылықтарымен танысты. Биопрепараттарды пайдаланудың практикалық аспектілеріне, олардың тиімділігіне, қоршаған орта мен адам денсаулығы үшін қауіпсіздігіне, сондай-ақ топырақ пен өнімге түсетін химиялық жүктемені азайту мәселелеріне ерекше назар аударылды.

Семинар фермерлер тарапынан үлкен қызығушылық тудырды, өйткені өсімдіктерді биологиялық қорғау әдістері тұрақты әрі бәсекеге қабілетті ауыл шаруашылығының маңызды құрамдас бөлігіне айналуда. Іс-шара соңында қатысушылар өздерін қызықтырған сұрақтарға жауап алып, шаруашылықтарында биологиялық қорғау құралдарын енгізу бойынша практикалық ұсынымдарға ие болды.

Жоғары оқу орны базасында күзгі ауыл шаруашылығы жәрмеңкесін өткізу университет пен аграрлық сектор өкілдері арасындағы өзара ынтымақтастықты нығайтуға, сондай-ақ білім алушылардың ауыл шаруашылығының тұрақты дамуы мәселелеріне қызығушылығын қалыптастыруға және жергілікті өндірушілерді қолдауға ықпал етті. Өткізілген шағын семинар өсімдіктерді биологиялық қорғау және биопрепараттарды қолдану тақырыбының қазіргі ауыл шаруашылығындағы өзектілігін көрсетті, аграрлық сала мамандары арасында тәжірибе алмасуға жағдай жасап, өнімділікті арттыруға, ауыл шаруашылығы өнімдерінің сапасын жақсартуға және қоршаған ортаны сақтауға бағытталған өсімдіктерді қорғаудың интеграцияланған жүйелерін енгізуге деген қызығушылықты арттырды.

#SDG #SustainableDevelopment #KazNU #SustainableKazN #SDG2 #ZeroHunger  #SDG15 #LifeonLand