«Табиғи мұра – тұрақты дамудың білім беру ресурсы»: ҚазҰУ базасында өткен этномәдени тәжірибенің екінші күні

2025 жылдың 3 қыркүйегінде әл-Фараби атындағы ҚазҰУ, Философия және саясаттану факультеті негізінде, Дінтану және мәдениеттану кафедрасы, сондай-ақ Жалпы және қолданбалы психология кафедрасы әзірлеген этномәдени тәжірибенің екінші күні «Табиғи мұра – тұрақты дамудың білім беру ресурсы ретінде» тақырыбымен жүзеге асырылды. Этномәдени тәжірибеге Болгариядан келген 30 қонақ қатысты, соның ішінде Болгария Білім және ғылым министрлігінің өкілдері, София университетінің басшылығы мен профессорлық-оқытушылық құрамы және студенттері, Пловдив мемлекеттік психиатрия университетінің оқытушылары, Болгария Ішкі істер академиясының өкілдері сондай-ақ, әл-Фараби атындағы ҚазҰУ этномәдени тәжірибені ұйымдастыру комитеті: Мейірбаев Б.Б., Жолдубаева А.Қ., Кабакова М.П., Хасиетова Ж.Ж., Алибаева А.

Этномәдени тәжірибенің осы күні Алматы облысының табиғи мұрасына арналды, ол көшпелі халықтардың дүниетанымын қалыптастыруда аса маңызды рөл атқарады. Себебі, дәстүрлі қазақ мәдениеті үшін табиғат тек қана өмір сүретін орта емес, сонымен қатар киелі мағыналардың, өмірлік күш пен рухани тепе-теңдіктің қайнары болып табылады.

Шарын шатқалына, Қамалдар алқабына және Чарын өзеніне бару қатысушыларға миллиондаған жылдар бойы қалыптасқан геологиялық нысандарды көруге, сондай-ақ тарихи уақыттың тереңдігін түсінуге мүмкіндік берді. Сонымен қатар Ай және Қара шатқалдары Қазақстан табиғатының түрлі ландшафттарын көрсетіп, әрқайсысының өзіне тән символикасы мен энергетикасы барын айғақтады. 

Көлсай көлдері осы күннің кульминациясына айналды — бұл орын дәстүрлі түрде тыныштықпен, ой жүгірту мен ішкі теңгеріммен байланыстырылады. Қатысушылар үшін бұл сапар тек экскурсиялық қана емес, сонымен қатар философиялық мәнге ие болды, адамның табиғатқа деген қатынасын тұрақты даму контекстінде түсінуге септігін тигізді.

Күннің білім беру бағдарламасы ТМД 4 (Сапалы білім) мақсаттарына сәйкес құрылып, аудиториядан тыс білім беруді, экологиялық және мәдени сананы қалыптастыруды, сондай-ақ табиғи және мәдени ландшафтпен тікелей өзара әрекеттесу арқылы сыни ойлауды дамытуға бағытталған тармақтарды жүзеге асырды.