Әл-Фараби атындағы ҚазҰУ оқытушылары «Бобек» мектебінде өткен кәсіби бағдарлау марафонына қатысты: мамандықтар әлеміне саяхат

2026 жылғы 16 қаңтарда «Бобек» мектебінде оқушыларға арналған кәсіби бағдарлау марафоны өтті. Іс-шара «Мамандықтар әлеміне саяхат» / «Мамандықты таңда — болашағыңды таңда!» тақырыбында ұйымдастырылды.

Іс-шараның негізгі мақсаты — оқушылардың саналы кәсіби таңдау жасауына қолдау көрсету, оларды түрлі мамандық өкілдерімен таныстыру және жеке жетістік тарихы арқылы нақты мансаптық жолдарды көрсету. Марафонды өткізу Тұрақты даму мақсаты №4 — «Сапалы білім» қағидаттарына сәйкес келеді, ол инклюзивті және тең қолжетімді білім беруді қамтамасыз етуге және өмір бойы оқуға жағдай жасауға бағытталған.

Кәсіби бағдарлау марафоны аясында оқушылар алдында шақырылған мамандар —
Тулебаева Назым Тулебаевна және Тажиев Рашид Ойықбаевич,
әл-Фараби атындағы Қазақ ұлттық университетінің оқытушылары сөз сөйледі.

Спикерлер өздерінің кәсіби және академиялық жолымен бөлісіп, мамандық таңдаудың маңыздылығы, жоғары білімнің рөлі, ғылыми қызмет және үздіксіз өзін-өзі дамыту туралы баяндады. Сонымен қатар, олар оқушыларды логист пен маркетолог мамандықтарымен, олардың қазіргі экономикадағы рөлімен, негізгі құзыреттері мен мансаптық мүмкіндіктерімен кеңінен таныстырды.

Еркін әрі ашық форматтағы әңгіме оқушыларға мамандықтар әлемі туралы түсінігін кеңейтуге, тәжірибелік кеңестер алуға және сапалы білім мен саналы өмірлік таңдау жеке әрі кәсіби дамудың берік негізі екеніне көз жеткізуге мүмкіндік берді.

Кәсіби бағдарлау марафоны «Сапалы білім» Тұрақты даму мақсатын іске асыруға елеулі үлес қосып, оқушыларды кәсіби өзін-өзі анықтаудың маңызды кезеңінде қолдады. Бұл іс-шара мамандықты бүгін дұрыс таңдау — болашаққа салынған инвестиция екенін тағы бір мәрте еске салды.

Ұйымдастырушылар: Ахметова З.Б., Турлыбекова Н.М., Тулебаева Н.Т., Тажиев Р.О.