Тұрақты даму мақсаттары аясындағы демалыс күнгі тау жорығы

25 қаңтар күні Рекреациялық география және туризм кафедрасы Іле Алатауының танымал, экотуристік бағыттарының бірі – Көкжайлауға, Алматы қаласының жастары мен егде жастағы тұрғындарына арналған демалыс күнгі тау жорығын ұйымдастырды.

Аталған шара Біріккен Ұлттар Ұйымының Тұрақты даму мақсаттарының 3-ші («Салауатты өмір салты және әл-ауқат») және 11-ші («Тұрақты қалалар мен қауымдастықтар») мақсаттары аясында өткізілді.

Тау жорығы қатысушылардың денсаулығын нығайтуға, белсенді өмір салтын насихаттауға, сондай-ақ табиғатпен үйлесімді демалыс мәдениетін қалыптастыруға бағытталды. Шара барысында қауіпсіздік ережелері сақталып, қатысушыларға рекреациялық туризмнің маңызы мен экологиялық жауапкершілік туралы ақпарат берілді.

Осындай іс-шаралар арқылы кафедра қоғамның түрлі жас топтары арасында тұрақты даму құндылықтарын ілгерілетіп, туризмнің әлеуметтік маңызын арттыруды көздейді.