«Педагогикалық тәжірибедегі этикалық дилеммалар» халықаралық ғылыми баттлы әл-Фараби атындағы Қазақ ұлттық университетінде өтті

2026 жылғы 24 қаңтарда әл-Фараби атындағы Қазақ ұлттық университетінің орыс филологиясы және әлем әдебиеті кафедрасында «Bilim Zhane Bolashak» халықаралық ғылыми-білім беру жобасы аясында онлайн форматта «Педагогикалық тәжірибедегі этикалық дилеммалар» атты халықаралық ғылыми баттл өтті.

Ғылыми баттлдың ұйымдастырушылары – әл-Фараби атындағы ҚазҰУ филология факультетінің орыс филологиясы және әлем әдебиеті кафедрасы (Исалиева Сауле Темирбаевна, Бегалиева Сауле Баязовна) және Алматы қаласы Білім басқармасының Жаңа технологиялардағы қалалық ғылыми-әдістемелік орталығының «Тәрбие жұмысы және қосымша білім беру» бөлімі (Ақмагамбетова Роза Газизжановна).

Қонақтар: PhD докторы, қауымдастырылған профессор, орыс филологиясы және әлем әдебиеті кафедрасының меңгерушісі Демченко Алёна Сергеевна (әл-Фараби атындағы ҚазҰУ), педагогика ғылымдарының кандидаты, қауымдастырылған профессор Момбек Әлия Әнуарбекқызы (Абай атындағы ҚазҰПУ), педагогика ғылымдарының кандидаты, профессор Раупова Лайло Рахимовна және филология ғылымдарының докторы, профессор Султанова Шохиста Мухаммеджановна (Ренессанс университеті, Ташкент қ., Өзбекстан), әлеуметтік ғылымдар магистрі Коканова Венера Сембековна (Алматы қаласы Білім басқармасының Психологиялық қолдау орталығы), сондай-ақ Алматы қаласындағы № 157 жалпы білім беретін мектеп пен № 107 мектеп-лицейінің орыс тілі мен әдебиеті пәнінің мұғалімдері Қамбарқызы Айжан және Беркимбаева Айгүл Жетписбаевна.

Ғылыми баттлға Өзбекстаннан (Ренессанс университеті және Альфраганус университеті), Татарстаннан («Адымнар-Нижнекамск» полилингвальды гимназиясы) және Қазақстаннан (әл-Фараби атындағы ҚазҰУ, Абай атындағы ҚазҰПУ-дың Сорбонна-Қазақстан институты, С.Ж.Асфендияров атындағы ҚазҰМУ, Шәкәрім университеті, Қазақстан-Ресей медицина университеті, Батыс Қазақстан аграрлық-техникалық университеті) командалар қатысты.

Командалардың модераторлары – Абай атындағы ҚазҰПУ-дың «Педагогика және психология», «Математика», «Биология» білім беру бағдарламаларының 2-курс студенттері Тен Алексей, Тоқмағанбетова Гаухара және Бақытжанқызы Ақнұр.

Халықаралық ғылыми баттлдың сарапшылары – Шәкәрім университетінің 1-курс магистранты Соснин Михаил («Музыкалық білім беру» ББ), әл-Фараби атындағы ҚазҰУ мен А.Ж.Асфендияров атындағы ҚазҰМУ-дың 4-курс студенттері Айсарахунова Умида (РКИ), Әділбекова Әсел, Әбдіәкім Ақсәуле («Фармация» ББ), сондай-ақ Алматы қаласындағы №157 жалпы білім беретін мектептің 8 және 10-сынып оқушылары Алимжанова Алина, Сағымбек Ақмарал, Бекетбай Жасмин және № 207 мектеп-лицейінің оқушысы Ерболатқызы Айару.

Баттл форматы ойының бірегейлігімен және шығармашылық тәсілімен ерекшеленді: командалар құрамында мектеп мұғалімдері мен жоғары оқу орындарының оқытушылары болды, ал бағалауды білім алушылар өз көзқарастары тұрғысынан жүргізді. Бірінші турда қатысушылар бейнетаныстырылым жасау үшін жасанды интеллектті пайдаланды, бұл жұмыстар өте креативті әрі заманауи рухта өтті. Екінші турда командалар педагогикалық жағдайларға қатысты өз көзқарастарын ұсынды, онда білім алушылардың қауіпсіздігі мен құпиялылығы, әділдік пен жеке көзқарас, бағалаудың объективтілігі, білім беру үдерісіне қатысушылардың рөлдік шекаралары, цифрлық этика, тәлімгерлік және басқа да мәселелер қамтылды. Үшінші турда командалар шағын сабақтар мен викторина өткізді, онда сарапшылар тақырыптардың қаншалықты меңгерілгенін көрсетті.

Барлық турлардың қорытындысы бойынша Өзбекстан мен Татарстан командалары бірінші және үшінші орындарды иеленсе, Қазақстан командалары екінші орынға тұрақтады. Викторина қорытындысы бойынша «Орыс тілі шет тілі ретінде» білім беру бағдарламасының 4-курс студенті Айсарахунова Умида екінші дәрежелі дипломмен марапатталды.