ПК-301 және ПК-302 топтарының студенттері Алматы қаласы Алмалы аудандық қылмыстық істер сотына барып қайтты

ПК-301 және ПК-302 топтарының студенттері Алматы қаласы Алмалы аудандық қылмыстық істер сотына барып қайтты

Әл-Фараби атындағы Қазақ ұлттық университеті (ҚазҰУ) колледжінің “Құқықтану” мамандығының 3-курс студенттері кәсіби дайындығын арттыру және оқу үрдісін практикамен ұштастыру мақсатында Алматы қаласы, Алмалы аудандық қылмыстық істер сотына экскурсиялық сапар ұйымдастырды.

Сапардың негізгі бағыттары:

1. Теориялық білімді практикамен ұштастыру

   • Студенттер оқу бағдарламасы бойынша алған Қылмыстық құқық және Қылмыстық іс жүргізу пәндерінің теориялық ережелерін нақты сот процесінде бақылап, оларды іс жүзінде қалай қолданылатынын көрді.

   • Заң нормаларының қолдану механизмдерін тереңірек түсінуге мүмкіндік берді.

2. Сот қызметінің ерекшеліктерін зерттеу

   • Сот отырысының тәртібімен және оған қатысушылардың (судья, прокурор, адвокат, сотталушы, жәбірленуші, куәгерлер) процесстік мәртебесімен танысу.

   • Дәлелдемелерді қарау, тараптардың жарыссөзі және сот үкімін жариялау кезеңдерін бақылау.

   • Кәсіби этика мен ресми қарым-қатынас мәдениетінің маңыздылығын түсіну.

3. Кәсіби бағдарды күшейту

   • Болашақ мамандыққа қызығушылықты арттыру және кәсіби бағытты анықтауға көмектесу.

   • Бұл тәжірибе студенттерге оқу аяқталғаннан кейін қай құқық қорғау органында жұмыс істегісі келетінін шешуге ықпал етеді.

4. Құқықтық мәдениетті қалыптастыру

   • Әділ сот пен заңдылық принциптерінің іс жүзінде қалай жүзеге асатынын көре отырып, құқықтық сана-сезім мен заңға құрметті арттыру.

Бұл сапар колледж студенттерінің кәсіби өсуі мен тәжірибе жинақтауына маңызды қадам болып табылады.

Ұйымдастырушы: арнайы құқықтық пәндер оқытушысы, заң ғылымдарының магистрі Сапирова М.М.