Жаңа Конституция – білім мен ғылымға басымдық!

Ата Заңымыздың жаңа мәтінінің басты идеясы ретінде білім мен ғылым, мәдениет пен инновация айқындалды. Бұл – мемлекеттің болашағы минералды ресурстармен емес, адами капиталмен және азаматтардың жетістіктерімен анықталатынын көрсететін түбегейлі маңызды бетбұрыс.

Қазақстан Республикасы адам капиталын, білімді, ғылымды, инновацияны дамытуды мемлекет қызметінің стратегиялық бағыты деп таниды.

• Бұл студенттер үшін – сапалы білім мен тең мүмкіндік.

• Бұл ғалымдар үшін – еңбектің бағалануы мен қолдау.

• Бұл қоғам үшін – әділеттілік пен прогресс жолы.

Сонымен қатар, жаңа Конституцияда Вице-президент институтын құру көзделген. Ол Қазақстан мен шетелдердің қоғамдық-саяси, ғылыми және мәдени-ағартушылық ұйымдарымен өзара іс-қимыл жасайды. Бұл – еліміздің ғылымы мен мәдениетінің халықаралық деңгейде дамуына жаңа серпін береді.

Бұл конституциялық өзгерістер БҰҰ-ның мынадай жаһандық мақсаттарына толықтай сәйкес келеді:

1. ТДМ 4 (Сапалы білім): Білім беруді стратегиялық басымдық ретінде тану.

2. ТДМ 9 (Инновация және инфрақұрылым): Ғылым мен инновацияны мемлекеттік дамудың қозғаушы күшіне айналдыру.

3. ТДМ 17 (Серіктестік): Вице-президент институты арқылы халықаралық ғылыми-мәдени байланыстарды нығайту.

Әл-Фараби атындағы Қазақ ұлттық университетінің қауымдастырылған профессоры А.А. Куйкабаева