Қытайтану кафедрасының докторанты педагогикалық практикасы аясында ашық сабақ өткізді

2026 жылдың 17 наурыз күні Қытайтану кафедрасы «Шығыстану» білім беру бағдарламасының 1-курс докторанты Манай Гүлгина  педагогикалық  практика  аясында ашық сабақ өткізді.
Сабақ «Шығыстану» білім беру бағдарламасының 1-курс магистранттарына «Шығыс тіліндегі дәйекті эссе» пәні бойынша жүргізілді. Мультимедиялық презентацияны пайдалана отырып, магистранттарға қытай тілінде жазу дағдылары түсіндірілді. Сабақ барысында қытай тіліндегі әңгімелеу мәтінін қалай дұрыс жазу керектігі жан-жақты талқыланды. Сонымен қатар, оқулықтағы оқиғаларға сүйене отырып, әңгімелеу мәтінінің үш негізгі элементі үйретілді.
Алынған білімді тәжірибеде қолдану мақсатында студенттерге сабақ барысында шағын жазба жұмысы ұсынылды. Олар өз жұмыстарын бір-бірімен талқылап, пікір алмасты. Бұл тәсіл студенттердің жазу қабілетін дамытуға және олардың шығармашылық әлеуетін ашуға мүмкіндік береді.