Цукуба университетінің студенттеріне арналған Қысқы мектеп жемісті өтті

Цукуба университетінің 6 студенті (HONJO Saki, KAWANO Ryo, NAKAMURA Satoru, TAKANAMI Jumpei, ARAKAWA Ritsuki, MIZUSHIMA Thomas Gabriel) 2026 жылғы 18 ақпан мен 22 наурыз аралығында Әл-Фараби атындағы Қазақ ұлттық университеті Қиыр Шығыс кафедрасы жапонтану бөлімінде өткен Қысқы мектеп бағдарламасына қатысты. Бағдарламаға сондай-ақ жапонтану бөлімінің студенттері де атсалысып, күнделікті бірлескен жұмыстар мен зерттеулер арқылы өзара түсіністікті тереңдетті.

Цукубалық студенттер тек орыс тілі курсына қатысып қана қоймай, Алматы қаласындағы базарларды (Көк базар, Барахолка және т.б.) зерттеп, сондай-ақ қала сыртындағы далалық зерттеулерге (Шарын шатқалы, Таңбалы тас және т.б.) қатысты, орыс тілі сабақтары мен сөйлесу клубтарына да белсене қатысты. Сонымен қатар, Қысқы мектеп аясында жапон мәдениетін таныстыру, Орталық Азия тағамдарына қатысты бірлескен тәжірибелік сабақтар, воркшоптар өткізу және Наурыз мерекесін танып-білу сияқты түрлі мәдени алмасу іс-шаралары ұйымдастырылды.

Осы іс-шаралар арқылы студенттер мәдениетаралық түсіністікті және практикалық коммуникациялық дағдыларын арттырып, академиялық және мәдени алмасуды одан әрі дамытуға үлес қосты. Соңында студенттер ағылшын тілінде топтық жұмыс өткізіп, Жапония мен Қазақстандағы әлеуметтік мәселелерді талқылады және Қысқы мектеп бағдарламасына қатысқаны жайлы сертификаттар алды.