Конституциялық құқық: білім беру курсының қорытынды лекциясы

2026 жылғы 25 қыркүйекте әл-Фараби атындағы ҚазҰУ-дың Заң факультетінде Қытай Халық Республикасының адвокаттары мен заң саласы мамандарына арналған біліктілікті арттыру білім беру курсының бірінші оқу блогының қорытынды сабағы өтті.

«Конституциялық құқық» блогы шеңберінде қатысушылар конституциялық бақылаудың негіздерін, Қазақстан Республикасы Конституциялық Сотының қызметін, сайлау құқығын және азаматтардың саяси құқықтарын зерттеді. Қорытынды сабақ кешенді конституциялық-құқықтық кейс форматында өтті, бұл алған білімді практикада қолдануға мүмкіндік берді.

Блок сабақтарын құқық магистрі, мемлекет және құқық теориясы мен тарихы, конституциялық және әкімшілік құқық кафедрасының аға оқытушысы Қанат Әлихан жүргізді.

Курстың келесі кезеңі тыңдаушыларды Қазақстан Республикасының құқықтық жүйесімен және құқықтың негізгі салаларымен таныстыруды жалғастырады.