- Басты бет
- Жаңалықтар
- «Заң мен тәртіп» жобасы аясында «Студенттер үйіндегі қауіпсіздік мәдениеті және жауапкершілік» тақырыбындағы ашық кездесу
«Заң мен тәртіп» жобасы аясында «Студенттер үйіндегі қауіпсіздік мәдениеті және жауапкершілік» тақырыбындағы ашық кездесу
Тұрақты даму мақсаттарының (ТДМ) 3-мақсаты «Жақсы денсаулық және әл-ауқат», 4-мақсаты «Сапалы білім» және 16-мақсаты «Бейбітшілік, әділдік және тиімді институттар» бағыттарына сәйкес 2026 жылғы 14 қарашада әл-Фараби атындағы Қазақ ұлттық университетінде «Заң мен тәртіп» жобасы аясында «Студенттер үйіндегі қауіпсіздік мәдениеті және жауапкершілік» тақырыбында ашық кездесу ұйымдастырылды. Іс-шара ТДМ аудиториясында, 229Ауд. өтті. Кездесуге «6B04109 – Цифрлық экономика» білім беру бағдарламасының қазақ бөлімінде білім алатын 1-курс студенттері қатысты.
Ашық кездесудің негізгі мақсаты студенттердің құқықтық сауаттылығын арттыру, Студенттер үйіндегі қауіпсіздік ережелерін түсіндіру және тәртіпке жауапкершілікпен қарау мәдениетін қалыптастыру болды. Сонымен қатар студенттердің өз құқықтары мен міндеттерін білуіне, басқа адамдардың құқықтарын құрметтеуіне және қауіпсіз орта қалыптастырудағы жеке жауапкершілігін түсінуіне назар аударылды.
Іс-шара барысында Студенттер үйіндегі ішкі тәртіп ережелері, ортақ кеңістікті пайдалану мәдениеті және тұрғындардың өзара қарым-қатынасы туралы айтылды. Бөлмелерді, дәліздерді, асүйді және басқа да ортақ орындарды таза ұстау, басқа студенттерге кедергі келтірмеу және университет мүлкіне ұқыпты қарау қажеттігі түсіндірілді. Ортақ кеңістікте әрбір студенттің әрекеті басқа адамдарға әсер ететіні атап өтілді.

Қауіпсіздік мәдениетінің маңызды бөлігі ретінде өрт қауіпсіздігі және төтенше жағдай кезіндегі әрекет ету тәртібі қарастырылды. Студенттерге электр құрылғыларын дұрыс пайдалану, эвакуациялық шығу жолдарын білу және қауіпті жағдай кезінде сабыр сақтау қажеттігі түсіндірілді. Төтенше жағдай туындаған кезде жауапты қызметкерлерге уақытылы хабарлау және белгіленген тәртіп бойынша әрекет ету маңызды екені айтылды.
«Заң мен тәртіп» жобасының аясында құқық бұзушылықтардың алдын алу мәселесіне де ерекше көңіл бөлінді. Буллинг, қорқыту, тілдеу, төбелес, ұрлық және басқа да құқыққа қайшы әрекеттердің қауіпсіз ортаға кері әсері талқыланды. Студенттерге заң мен ішкі тәртіп талаптарын сақтау әрбір адамның міндеті екені түсіндірілді.
Сонымен қатар жеке шекара, өзара сыйластық және жауапкершілік мәселелері қозғалды. Студенттер бір-бірінің жеке кеңістігін, заттарын және жеке ақпаратын құрметтеуі қажет екені атап өтілді. Қандай да бір жанжал немесе түсініспеушілік туындаған жағдайда мәселені агрессия арқылы шешпей, кураторға немесе жауапты қызметкерлерге жүгіну ұсынылды.
Тақырыптың ТДМ-мен байланысы да нақты түсіндірілді: студенттердің денсаулығы мен қауіпсіздігін қорғау 3-мақсатқа, қауіпсіз және қолайлы білім беру ортасын қалыптастыру 4-мақсатқа, ал заңды сақтау, құқық бұзушылықтардың алдын алу және өзара құрметті нығайту 16-мақсатқа сәйкес келеді. Осы бағыттар арқылы қауіпсіз студенттік орта қалыптастырудың маңыздылығы атап өтілді.
Кездесу соңында студенттер өздерін қызықтырған сұрақтарын қойып, Студенттер үйіндегі қауіпсіздік пен тәртіпті сақтау бойынша пікірлерімен бөлісті. Қауіпсіз орта қалыптастырудың негізі – заңды құрметтеу, тәртіпті сақтау, өзара сыйластық және әр адамның өз әрекетіне жауапкершілікпен қарауы екені қорытындыланды.
Іс-шара студенттердің құқықтық мәдениетін арттыруға, қауіпсіз мінез-құлық дағдыларын қалыптастыруға және Студенттер үйіндегі жауапты азаматтық ұстанымды нығайтуға бағытталды.
Ұйымдастырушылар: Абдуллаева Б.А., Кулиев И.У.
Басқа жаңалықтар