ҚазҰУ-да «Ғылым қоры» АҚ төрағасы А.А. Орсариевтің қатысуымен ақпараттық технологиялар және инновациялық даму институты мен жүйелік интеграцияларды жобалау және әзірлеу Студенттік зертханасының есептік таныстырылымы өтті.
Әл-Фараби атындағы ҚазҰУ өзін ғылыми-зерттеу университеті ретінде көрсете бастағанға дейін басқа жоғары оқу орындары қабылдаған прогрессивті әзірлемелердің флагманы болды.
Есептік таныстырылымда қысқа мерзімде жүзеге асырылған жетістіктер ұсынылды. Мысалға, университет бағдарламашылары әзірлеген Univer 2.0 жүйесі қазірдің өзінде 123 млн.теңге сату көрсеткіштерімен өз өзектілігін растады. «Біздің Univer 2.0 жүйеміз бәсекелестерден ерекшеленеді, оның басқа ресурстармен мысалы, 1С, Active Directory - мен интеграциялау мүмкіндіктері бар, бұл сөзсіз артықшылық болып табылады», - деп атап өтті Е. Қыстаубаев.
Қазақстанда ТЖ енгізу кезінде ҚазҰУ бірінші болып өз клиенттеріне online-proctoring қызметін ұсынды. Американдық әріптестер өздерін нарықта бұрыннан жариялағанына қарамастан, олар біздің елде интеграция жасай алмады. Университеттің барлық оқытушылары қазіргі уақытта Univer 2.0 жүйесін сәтті қолданады, оның қосымшасы JinalysRoom, оның пилоттық шығарылымы факультеттердің бірінде қолданылады.
Студенттік жүйелік интеграцияны жобалау және дамыту зертханасының екінші таныстырылымы әсерлі болды. 2018 жылдан бастап зертхана меңгерушісі Еділ Нұраховтың басшылығымен зертханалық жабдықтарды бақылау және мониторингілеу бойынша бағдарламалық – аппараттық кешен әзірленуде. «Бұл құрылғы ресурстарды көп қажет ететін жабдықтарға қолжетімділікті бақылауға, әр түрлі типтегі үй – жайлардың ортасын бақылауға, сондай-ақ жабдықтарды пайдалану уақытын есепке алуға арналған, соның негізінде олардың жұмысының тиімділігін арттыруға болады», - деп атап өтті Е.Нұрахов.
Біздің ғалымдардың амбициясы-отандық құрылғыларды өндіруге және сатуға жоспарланған. Қазірдің өзінде Белоруссиядан келген серіктес бар – Promwad компаниясы – өз зауыттары бар электрониканың тәуелсіз дизайн орталығы. Құрылғы «SmartHelth» клиникалық-диагностикалық орталығында сыналды. «Біздің құрылғылар қазір екі жоғары оқу орнында – ҚазҰУ медициналық мекемесінде және Халықаралық бизнес университетінде тиімді жұмыс істейді; онда біз құрылғыларды серверлік құрылғыға қойдық және температураны үнемі қадағалап отырамыз, энергияны тұтыну, серверлердің жүктемесі және т. б. туралы мәліметтерді көрсетеміз. ҚазҰУ – да біз сондай функцияларды жүзеге асырамыз және бөлімшелерге қолжетімділікті де есепке аламыз», - деп атап өтті Е.Нұрахов.
Таныстырылымдар «Ғылым қоры» АҚ төрағасын А.А. Орсариевті таң қалдырды. Ол «Univer 2.0 жүйесін сату саны оның қажеттілігін растайды», - деп атап өтті.
