2020 жылдың 29-30 қазанында біздің логисттеріміз "KAZLOGISTICS" көлік қызметкерлерінің Жастар форумына қатысты

2020 жылғы 29-30 қазан аралығында Алматы қаласында "Мультимодальдық жеткізу тізбегіндегі инновациялар мен технологиялар" тақырыбында дәстүрлі түрде жыл сайын өткізілетін "KAZLOGISTICS" көлік қызметкерлерінің Жастар форумы өтті. Форум "KAZLOGISTICS Қазақстан көлік одағы" бастамасы бойынша ұйымдастырылды (www.http://kazlogistics.kz/ аталған форумға э.ғ.к., қауымдастырылған профессор З. Б. Ахметовтың және Бизнес-технологиялар кафедрасының аға оқытушысы Ш. Н. Абдикулдың жетекшілігімен Логистика мамандығының 3-курс студенттері қатысты.

Форум көлік-логистика саласын қалыптастыру мен сол саладағы жетістіктерімен танысу процесіне көлік саласындағы болашақ мамандардың білім алушыларын тартуға, сондай-ақ білім, білік және дағды деңгейін бағалауға бағытталған. Оған сала мамандарын даярлайтын Қазақстанның жоғары оқу орындары мен колледждерінің студенттері, сондай-ақ көлік және логистика саласындағы жұмыс берушілер қатысты.