ҚазҰУ студенті әлем бойынша өткен сайыста жүлделі орынға ие болды

Қазақ ұлттық университетінде оқитын студенттердің ішінде болашағынан зор үміт күттіретін, дарынды, талантты студенттер аз емес. Солардың бірі шығыстану факультеті, қытайтану кафедрасының2020 жылғы түлегі Онланова Жанель.

2020 жылытамыз айында Нұр-Сұлтан қаласында студенттер арасында өткен 19 – шы аймақтық "Қытай тілі көпірі" сайысында Қазақстан бойынша бірінші орын алып, жарыстың халықаралық деңгейіне қатысуға жолдама алды. Осы жылдың5 қарашасында ҚХР Пекин қаласында өткен халықаралық сайыста Қазақстан студенттерінің атынан додаға қатысып, 3 орынды иемденді және әлемдегі 30 мықты сайыскерлер қатарына енгізілді. Ол сонымен қоса «Азия континентіндегі 6 мықты сайыскер» атағына ие болды. Осылайша Пекин университеті магистратурасының "Халықаралық саясат" мамандығы бойынша грантына қол жеткізді.

Табанды оқудың арқасында Жанель өз болашағына даңғыл жол сала білді. Оның болашағы зор, келешегі кемел болары даусыз. Біз осындай студенттерімізді мақтан тұтамыз.