2021 жылдың 24 ақпан күні әл-Фараби атындағы Қазақ ұлттық университеті, шығыстану факультеті, қытайтану кафедрасы меңгерушісінің ғылыми-инновациялық қызмет және халықаралық байланыстар жөніндегі орынбасары Керімбаев Ержан Әбдірайымұлы Екібастұз қаласының дарынды балаларға арналған «Зерде» мамандандырылған жалпы білім беру мектебінің ұжымымен және оқушылармен онлайн форматта кездесу өткізді. Керімбаев «Зерде» мектебінің ұстаздарына, 9-10-11 сынып оқушыларына және ата-аналарға шығыстану мамандығы туралы «Шығысты оқы, таңырқа!» атты қызықты дәріс оқыды.
Дәріс барысында шығыстану мамандығының шығу тарихы, бүгінгі жағдайы мен болашағы және факультетіміздің тарихы мен оқытылатын мамандықтар туралы кеңінен ақпарат берілді. Ата-аналар мен жоғарғы сынып оқушылары факультетімізде оқытылатын мамандықтарға бөлінетін мемлекеттік гранттар мен бітіріп шыққан түлектердің жұмысқа орналасуына қатысты сұрақтар қойды. Ержан Әбдірайымұлы қойылған сұрақтарға жан-жақты тұшымды жауап берді.
Басқа жаңалықтар
