"Шығыстанушы – ол стратегиялық мамандық"

2021 жылдың 25 мамырында сағат 14:00-де тарих ғылымдарының докторы, профессор, белгілі шығыстанушы Алдабек Нұржамал Әбдіразаққызының "Тәуелсіз Қазақстандағы Шығыстанудың өзекті мәселелері" тақырыбында онлайн лекция оқыды. Бұл лекция факультетіміздің дәстүрлі түрде өткізіп келе жатқан «Көшбасшылық дәріс» атты іс-шараның ауқымында ұйымдастырылды.

Еліміздегі шығыстану ғылымының қалыптасуының басы-қасында болған, факультетімізді құруға тікелей атсалысқан және көптеген жыл басқарған ғалым Нұржамал Әбдіразаққызы шығыстану ғылымының пайда болуын, даму тарихын, оның ішінде Қазақстандағы шығыстану ғылымының қалыптасуын, оған факультетіміздің сіңірген еңбегін саралай келе, бүгінгі таңдағы еліміздегі шығыстану ғылымының алдында тұрған өзекті мәселелерге тоқталып өтті. Дәріске факультетіміздің студенттері, магистранттары мен докторанттарынан бөлек, жетекші ғалымдар, университеттер мен ғылыми институттардың қызметкерлері де қатысты.