Филология ғылымдарының докторы, профессор Р.С. Әмірдің ғылыми мектебі

Қазақ тіл білімі кафедрасының меңгерушісі флол.ғ.д., профессор А. Салқынбайдың ұйымдастыруымен өмірден озғанына жыл толған ғалымды еске алу мақасатында «Филология ғылымдарының докторы, профессор Р.С. Әмірдің ғылыми мектебі» тақырыбында ғылыми семинар өтті.

Семинарға факульттетің оқытушы-профессорларымен қатар: Қорқыт Ата атындағы Қызылорда мемлекеттік университетінің профессоры, филол.ғ.к. Ш. Бекмағамбетов, ҚБТУ-дың профессоры, пед.ғ.д. Ж. Дәулетбекова, ҚызМемПУ-дің профессоры, филол.ғ.д. Т. Ермекова, ғалымның қызы, филол.ғ.к., доцент Ж. Р. Әмірова, ғалымның туысы, химия ғ.д., профессор. С. Е. Батырбековалар қатысты. Негізгі баяндамашылар филол.ғ.к., доцент Ғ. Иманалиева профессор Р. Әмірдің педагогикалық мұрасының қай кезеңде болса да өзектілігін жоймайтындығы туралы зерделесе, филол.ғ.к., аға оқытушы Л. Әлімтаева ғалымның ұстаздық келбеті, бейнесі, аудиториядағы сабақ жүргізу машығы жайында сөз қозғады.

Филол.ғ.д., профессор Р. Авакова, ғалымның төл шәкірттері Ж. Дәулетбекова мен Т. Ермекова, профессор Ш. Бекмағамбетов Р.Әмірдің сан-салалы ғалым екендігін, оның адами, кәсіби қасиеттерін еске ала отырып, жылы лебіздерін білдірді.

Қызы Жанар білімпаздың тек қазіргі тіл мәселелерімен ғана шектелмей, түркология мәселелеріне де барғандығын айтса, профессор С. Е. Батырбекова ғалымның ата-анасы мен өскен ортасы туралы, ұстаз, ғалым болып қалыптасуына ықпал еткен жайттарды атап өтті.