“Tarzhiman club” және “iClub.pd”: аударма өнері жасай берсін!!!

20 қыркүйекте филология, әдебиеттану және әлем тілдері факультетінде Тілдер фестивалі аясында “Tarzhiman club” және “iClub.pd” клбутарының салтанатты мәжілісі өтті.

Доцент Л.Мұсалының жетекшілігімен 2008 жылдан бері жұмыс істеп келе жатқан “Tarzhiman Club” және доцент А.Тусупованың басшылығымен 2010 жылы құрылған “iClub.pd” ұйымдарының мүшелері көркем аударма әлеміне саяхат жасады.

Қатысушылар саны көп болды, себебі әр студент бұл салтанаттың бір бөлігі болғысы келді. Олар осы мерекелік шараның жүргізілуіне үлкен жауапкершілікпен, орасан зор жігерлікпен қарады. Әр топ тілдер мейрамына мұқият дайындалды.

1-4 курс аралығындағы студенттер көрермендер назарына би және театрлық нөмерлер көрсетті, Байрон, Абай, М.Мақатаев сияқты атақты ақындар өлендерінің түп нұсқаларымен қоса, тілді жақсы меңгеретіндіктерін көрсетті.

Мерекелік шарада шетел және отандық орындаушылардың әндері орындалды өз атынан да композициялар орындады.

Ал қонақтар мерекеге белсене қатысқандары үшін тарту етілген сыйлықтарымен және клуб туралы жақсы әсермен қайтты.

ҚазҰУ-дың Баспасөз қызметі